Woman Rash Driving : విశాఖలో మద్యం మత్తులో రచ్చ రచ్చ చేసిన యువతి.. కారుతో బీభత్సం

విశాఖపట్నంలో ఓ యువతి వీరంగం సృష్టించింది. మద్యం మత్తులో మంగళవారం అర్ధరాత్రి బీభత్సం సృష్టించింది. స్థానిక వీఐపీ రోడ్డులో ఇన్నోవా కారును నడుపుతున్న ఆమె అతి వేగంతో ఇతర వాహనాలను ఢీకొట్టింది. ఈ ఘటనలో 8 వాహనాలు ధ్వంసం అయ్యాయి. ప్రమాదం జరిగిన వెంటనే ఆమెతోపాటు కారులో ప్రయాణిస్తున్న

Woman Rash Driving : విశాఖపట్నంలో ఓ యువతి వీరంగం సృష్టించింది. మద్యం మత్తులో మంగళవారం అర్ధరాత్రి బీభత్సం సృష్టించింది. స్థానిక వీఐపీ రోడ్డులో ఇన్నోవా కారును నడుపుతున్న ఆమె అతి వేగంతో ఇతర వాహనాలను ఢీకొట్టింది. ఈ ఘటనలో 8 వాహనాలు ధ్వంసం అయ్యాయి. ప్రమాదం జరిగిన వెంటనే ఆమెతోపాటు కారులో ప్రయాణిస్తున్న వారు అక్కడి నుంచి పరారయినట్లు సమాచారం అందుతుంది. ఈ ఘటనపై త్రీ టౌన్ పోలీసులు కేసు నమోదు చేసుకుని దర్యాప్తు చేపట్టారు. కాగా కారులో ఆ యువతితో పాటు పలువురు యువకులు కూడా ఉన్నట్లు తెలుస్తుంది.

కాగా వీరంతా ముందుగా వీఐపీ రోడ్డులో ఉన్న సోమా రెస్టో బార్ అండ్ రెస్టారెంట్ లో ఫుల్ గా మద్యం సేవించారని.. ఆ తర్వాత పార్కింగ్ స్థలం నుంచి వీఐసీ రోడ్డులోని సిరిపురం వెళ్లే మార్గంలో వైపు వేగంగా వచ్చినట్లు సీసీ కెమెరాల్లో రికార్డు అయ్యింది. ఈ క్రమంలో కారు అదుపు తప్పి ఫుట్ పాత్ పైకి దూసుకెళ్లింది. దీంతో పార్కింగ్ స్థలంలో నిలిపి ఉంచిన ఎనిమిది వాహనాలను కారు ఢీకొట్టడంతో ఆ వాహనాలు ధ్వంసం అయ్యాయి. అయితే పార్కింగ్ స్థలంలో ఎవరూ లేకపోవడంతో పెద్ద ప్రమాదం తప్పింది. అయితే ఈ ప్రమాదంలో కారు కూడా దాదాపు 10 అడుగుల ఎత్తులో చెట్టుపైకి ఎక్కి ఆగింది.

AP 26BR 9 రిజిస్ట్రేషన్ నెంబర్ తో వాహనం యశ్వంత్ ములుక్త పేరుతో రిజిస్ట్రేషన్ అయి ఉంది. నెల్లూరు వేదయపాలెం అడ్రస్ తో రిజిస్ట్రేషన్ అయి ఉంది ఈ కారు. సోమ బార్ లోకి వాహనం వెళుతున్న సమయంలో డ్రైవింగ్ సీట్లో యువతి ఉన్నట్టు పోలీసుల ప్రాథమిక గుర్తించడంతో ఆమె ఎవరా అని విచారణ చేపట్టారు.