Kohli-Gambhir: కోహ్లీ, గంభీర్‌ పై బీసీసీఐ సీరియస్.. 100% ఫీజు కోత

Kohli-Gambhir: ఈ మ్యాచ్ లో నిబంధనలు ఉల్లంఘించినందుకు గాను.. విరాట్, గంభీర్ కి మ్యాచ్‌ ఫీజులో బీసీసీఐ పూర్తి కోత విధించింది.

Kohli-Gambhir: ప్రస్తుతం ఐపీఎల్ లో విరాట్ కోహ్లీ, గంభీర్ మధ్య జరిగిన గొడవ గురించే చర్చ సాగుతోంది. మ్యాచ్ అనంతరం గ్రౌండ్ లో ఇరు జట్ల ఆటగాళ్ల మధ్య కాస్త వాగ్వాదం చోటు చేసుకుంది. ఈ మ్యాచ్ లో నిబంధనలు ఉల్లంఘించినందుకు గాను.. విరాట్, గంభీర్ కి మ్యాచ్‌ ఫీజులో బీసీసీఐ పూర్తి కోత విధించింది.

భారీ జరిమానా.. (Kohli-Gambhir)

ప్రస్తుతం ఐపీఎల్ లో విరాట్ కోహ్లీ, గంభీర్ మధ్య జరిగిన గొడవ గురించే చర్చ సాగుతోంది.

మ్యాచ్ అనంతరం గ్రౌండ్ లో ఇరు జట్ల ఆటగాళ్ల మధ్య కాస్త వాగ్వాదం చోటు చేసుకుంది. ఈ మ్యాచ్ లో నిబంధనలు ఉల్లంఘించినందుకు గాను.. విరాట్, గంభీర్ కి మ్యాచ్‌ ఫీజులో బీసీసీఐ పూర్తి కోత విధించింది.

మ్యాచ్ అనంతరం.. గ్రౌండ్ లో చోటు చేసుకున్న అనూహ్య ఘటనలు క్రికెట్‌ అభిమానులను షాక్‌కు గురిచేశాయి. మైదానంలోనే కోహ్లీ, గంభీర్ గొడపపడ్డారు.

దీంతో ఇరు జట్ల ఆటగాళ్లు వీరిద్దరిని విడదీశారు. ఐపీఎల్‌ ప్రవర్తనా నియమావళిని ఉల్లంఘించినందుకు.. బీసీసీఐ వీరిద్దరికీ మ్యాచ్‌ ఫీజులో 100శాతం కోత విధించింది.

ఐపీఎల్ కోడ్‌ ఆఫ్‌ కండక్ట్‌లోని ఆర్టికల్ 2.21 కింద లెవల్‌-2 తప్పిదానికి పాల్పడ్డారని ఐపీఎల్‌ ఓ ప్రకటనలో వెల్లడించింది.

ఇక వీరిద్దరితో పాటు లఖ్‌నవూ బౌలర్‌ నవీన్‌ ఉల్ హక్‌కు కూడా జరిమానా విధించింది. లెవల్‌-1 తప్పిదానికి పాల్పడినందుకు గానూ నవీన్‌కు మ్యాచ్‌ ఫీజులో 50శాతం కోత వేశారు.

కోహ్లీ వ్యాఖ్యలు వైరల్..

గొడవ అనంతరం డ్రెస్సింగ్ రూమ్ లో కోహ్లీ చేసిన వ్యాఖ్యలు వైరల్ అవుతున్నాయి.

ఈ గెలుపు విషయంలో కోహ్లీ ఆసక్తికర వ్యాఖ్యలు చేశాడు.

ఒకవేళ నువ్వు ఎవరికైనా ఏదైనా ఇవ్వాలంటే.. తిరిగి తీసుకోవడానికి కూడా సిద్ధంగా ఉండాలి.

అలాలేని పక్షంలో ఎదుటివాళ్లకు ఏదో ఒకటి ఇవ్వాలనే సాహసం చేయకూడదు అంటూ విరాట్‌ కోహ్లి తనను విమర్శించిన వాళ్ల నోళ్లు మూయించాడు.

లక్నో సూపర్‌ జెయింట్స్‌ మెంటార్‌ గౌతం గంభీర్‌ను ఉద్దేశించి పరోక్షంగా కౌంటర్‌ ఇచ్చాడు.

ఈ మ్యాచ్‌ అనంతరం డ్రెసింగ్‌ రూంలో సెలబ్రేషన్స్‌ చేసుకున్నారు. ఇందుకు సంబంధించిన వీడియోను ఆర్సీబీ తమ అధికారిక ట్విటర్‌లో షేర్‌ చేసింది.

ఈ మ్యాచ్ లో మా జట్టు విజయం సాధించడం చాలా ముఖ్యమైన విషయం అని కోహ్లీ అన్నాడు. లక్నో ప్రేక్షకుల నుంచి కూడా ఎక్కువ మద్దతు లభించినట్లు తెలిపాడు.

స్వల్ప లక్ష్యాన్ని కాపాడుకోవడంలో తమ జట్టు పూర్తిగా విజయం సాధించిందని అన్నాడు.

గొడవకు కారణం ఇదే..

భారత్‌ క్రికెట్‌లో విరాట్ కోహ్లీ, గౌతమ్ గంభీర్ అత్యుత్తమ ఆటగాళ్లుగా మంచి పేరు పొందారు. అయితే వీరిద్దరికి మధ్య మనస్పర్ధలు ఉన్న మాట వాస్తవమే.

అయితే నిన్నటితో ఈ వ్యవహారం ఇంకాస్త ముదిరింది. సోమవారం రాత్రి లక్నో సూపర్ జెయింట్స్ రాయల్ ఛాలెంజర్స్ బెంగళూరు జట్ల మధ్య మ్యాచ్ జరిగింది.

లక్నో జట్టును బెంగళూరు జట్టు 18 పరుగుల తేడాతో ఓడించింది.

గత మ్యాచ్‌లో లక్నో విజయం తరువాత గంభీర్ మైదానంలోకి వచ్చి అభిమానుల వైపు చూస్తూ నోటికి వేలు అడ్డుపెట్టి సంజ్ఞ చేశాడు.

మ్యాచ్ సందర్భంగా కృనాల్ పాండ్యా క్యాచ్ అందుకున్న కోహ్లీ గంభీర్‌లా చేయకూడదని సూచిస్తూ ముద్దు పెడుతున్నట్లు సంజ్ఞ చేశాడు.

ఈ విషయంలో మ్యాచ్ అనంతరం గంభీర్, కోహ్లీ మధ్య వాగ్వివాదానికి కారణమైనట్లు తెలుస్తోంది.

మ్యాచ్‌ అనంతరం ఇద్దరి మధ్య మాటల తూటాలు పేలాయి.