Raveendran Byju: ‘బైజూస్’ ఆఫీసుల్లో ఈడీ సోదాలు.. కీలక డేటా స్వాధీనం

ఫెమా చట్టాన్ని ఉల్లంఘించి సదరు నిధులను అందుకున్నట్టు ప్రైవేటు వ్యక్తుల నుంచి వచ్చిన ఫిర్యాదుల మేరకే సోదాలు చేసినట్టు ఈడీ వెల్లడించింది.

Raveendran Byju: ప్రముఖ ఎడ్యుకేషన్ యాప్ బైజూస్‌ వ్యవస్థాపకుడు రవీంద్రన్‌ బైజు , ఆయన సంస్థ థింక్‌ అండ్‌ లెర్న్‌ ప్రైవేట్ లిమిటెడ్‌ కార్యాలయాల్లో ఎన్‌ఫోర్స్‌మెంట్‌ డైరెక్టరేట్‌ శనివారం సోదాలు చేస్తోంది. ఫెమా చట్టం కింద నమోదైన కేసులో భాగంగా మొత్తం మూడు ప్రాంతాల్లో ఈడీ తనిఖీలు చేపట్టింది. ఈ సోదాల్లో పలు డాక్యుమెంట్లు, డిజిటల్‌ డేటాను అధికారులు స్వాధీనం చేసుకున్నారు.

వేల కోట్ల విదేశీ పెట్టబడులతో(Raveendran Byju)

థింక్‌ అండ్‌ లెర్న్‌ ప్రైవేట్ లిమిటెడ్‌ సంస్థ ఆన్ లైన్ లో బైజూస్‌ పేరుతో విద్యా కోర్సులను అందిస్తోన్న విషయం తెలిసిందే. ఈ కంపెనీ 2011 నుంచి 2023 మధ్య రూ. 28 వేల కోట్ల విలువైన విదేశీ పెట్టుబడులు(ఎఫ్డీఐ) అందుకుందని ఈ తనిఖీల్లో బయటపడిందని ఈడీ ఓ ప్రకటనలో వెల్లడించింది. అదే విధంగా కంపెనీ కూడా రూ. 9,754 కోట్లను ఓవర్సీస్‌ డైరెక్ట్‌ ఇన్వెస్ట్‌మెంట్‌ పేరుతో వివిధ విదేశీ సంస్థలకు బదిలీ చేసినట్టు తెలిపింది.

ED has conducted searches at 3 premises in Bengaluru in the case of Raveendaran Byju and his company ‘Think & Learn Private Limited’ (Byju online learning platform) under the provisions of FEMA. During the search, various incriminating documents and digital data was seized: ED pic.twitter.com/EYjRSjBf4h

— ANI (@ANI) April 29, 2023

ఫిర్యాదుల మేరకే సోదాలు(Raveendran Byju)

అయితే ఇందులో అవకతవకలు జరిగాయని, ఫెమా చట్టాన్ని ఉల్లంఘించి సదరు నిధులను అందుకున్నట్టు ప్రైవేటు వ్యక్తుల నుంచి వచ్చిన ఫిర్యాదుల మేరకే సోదాలు చేసినట్టు ఈడీ వెల్లడించింది. ఈ కేసుకు సబంధించి చాలా సార్లు రవీంద్రన్‌కు సమన్లు జారీ చేశాయని.. అయితే ఆయన విచారణకు హాజరుకాలేదని ఈడీ పేర్కొంది. ఈ నేపథ్యంలో ఆయన ఇల్లు, రెండు ఆఫీసుల్లో సోదాలు జరిపినట్లు తెలిపింది. 2020-21 ఆర్థిక సంవత్సరం నుంచి థింక్ అండ్ లెర్న్ ప్రైవేట్ లిమిటెడ్ కంపెనీ ఆర్థిక లావాదేవీలను వెల్లడించలేదు. ఖాతాలను కూడా ఆడిటింగ్‌ చేయించలేదని ఈడీ తన ప్రకటనలో పేర్కొంది.