Allu Aravind: “మా అబ్బాయితో డేటింగ్ చేస్తున్నావా” అని అడిగిన అల్లు అరవింద్

గత కొంత కాలంగా అను ఇమ్మాన్యూయేల్‌, అల్లు శిరీష్‌లు డేటింగ్‌లో ఉన్నట్లు వార్తలు వార్తలు హల్చల్ చేస్తున్న విషయం తెలిసిందే. వీటిపై అల్లు అరవింద్‌ ఒకరోజు తనను ఇంటికి పిలిచి ఏంటి మా అబ్బాయితో డేటింగ్ లో ఉన్నావా అంటూ సరదాగా అడిగారని తెలిపింది అను ఇమ్మాన్యుయేల్.

Allu Aravind: నటన ప్రాధాన్యమున్న సినిమాలు చేస్తున్నా పెద్దగా హిట్ అందుకోలేకపోతుంది టాలీవుడ్‌ ముద్దుగుమ్మ అను ఇమ్మాన్యూయేల్‌. నానికి జోడీగా నటించిన‘మజ్ను’ సినిమాతో తెలుగు ప్రేక్షకులకు పరిచయమైయ్యింది ఈ బ్యూటీ. కాగా అతి తక్కువ కాలంలోనే స్టార్‌ హీరోలైన అల్లు అర్జున్‌, పవన్‌ కళ్యాణ్‌లతో సినిమాల్లో నటించే చాన్స్ కొట్టేసింది. అయితే ఈ రెండు సినిమాలు కూడా బాక్సాఫీస్ దగ్గర బోల్తా పడడంతో ఈమె అందాలరాశికి అవకాశాలు తగ్గాయి. ఇక చాలా గ్యాప్ తర్వాత తాజాగా ఈమె అల్లు శిరీష్‌తో కలిసి ‘ఊర్వసివో రాక్షసివో’లో నటించించింది. ఈ మూవీ ప్రస్తుతం థియేటర్లలో రిలీజై పాజిటీవ్‌ టాక్‌ తెచ్చుకుంది.

ఇదిలా ఉంటే ఓ వైపు గత కొంత కాలంగా అను ఇమ్మాన్యూయేల్‌, అల్లు శిరీష్‌లు డేటింగ్‌లో ఉన్నట్లు వార్తలు వార్తలు హల్చల్ చేస్తున్న విషయం తెలిసిందే. కాగా తాజాగా ఈ సినిమా ప్రమోషన్లలో భాగంగా ఈ వార్తలపై వాటిపై స్పందించింది అను. ఊర్వసివో రాక్షసివో సినిమాలో నటించడానికి ముందు అల్లు శిరీష్‌ను రెండు సార్లు మాత్రమే కలిసానని ఈ మధ్య కాలంలో ఈ సినిమా గురించి మాట్లాడుకోవడానికి ఓ కాఫీ షాపులో శిరీష్‌ను కలిసినట్లు చెప్పింది. ఈ నేపథ్యంలోనే అలా కాఫీ షాపులో కలుసుకున్న ఫోటోలు బయటకు రావడంతో మేమిద్దరం డేటింగ్‌లో ఉన్నట్లు రూమర్స్ ప్రచారం అయ్యాయని ఆమె తెలిపింది.

ఇలాంటి రూమర్స్ ని తాను సీరియస్ గా తీసుకోలేదని కానీ మా అమ్మ ఈ వార్తలు విని చాలా అప్సెట్ అయ్యిందని చెప్పుకొచ్చింది. అంతేకాకుండా అల్లు అరవింద్‌ ఒకరోజు తనను ఇంటికి పిలిచి మరీ శిరీష్‌తో డేటింగ్‌ రూమార్స్ గురించి అడిగారట. ఏంటి మా అబ్బాయితో డేటింగ్ లో ఉన్నావా అంటూ సరదాగా అడిగారని తెలిపింది. ఇంక ఈ విషయంపై ఇద్దరు కాసేపు నవ్వుకున్నట్లు చెప్పింది.

ఇదీ చదవండి: ఓటీటీలోకి వచ్చేసిన “బ్రహ్మాస్త్ర”.. స్ట్రీమింగ్ ఎక్కడ అంటే..?