Manchu Mohan Babu: ముఖ్యమంత్రిని కలిసిన మంచు మోహన్‌ బాబు, విష్ణు

Mohan Babu Meets Gujarat CM: ప్రముఖ సినీ నటుడు మంచు మోహన్‌ బాబు తన కుమారుడు మంచు విష్ణుతో కలిసి గుజరాత్‌ ముఖ్యమంత్రి భూపేంద్ర పటేల్‌ని కలిశారు. ఇందుకు సంబంధించిన ఫోటోలను తన ఎక్స్‌లో షేర్ చేయడంతో ఈ ఫోటోలు నెట్టింట వైరల్‌గా మారాయి. ఈ సందర్బంగా మంచు విష్ణు తెలుగు కళాకారుడు రమేష్‌ గొరిజాల వేసిన అరుదైన పెయింటింగ్‌ను సీఎం భూపేంద్ర పటేల్‌కు బాహుమతిగా ఇచ్చారు. వీరితో పాటు నటుడు శరత్‌ కుమార్‌, శ్రీ ముఖేస్‌ రిషితో పాటు విష్ణు సన్నిహితులు వినయ మహేశ్వరి వెళ్లారు.

ఈ సందర్భంగా ఆయనతో దిగిన ఫోటోలను షేర్‌ చేస్తూ.. గుజరాత్‌ సీఎం భూపేంద్ర పటేల్‌ను కలవడం చాలా సంతోషంగా ఉందని, ఆయన ఎప్పుడూ ఆరోగ్యంగా ఉండాలని కోరుకుంటు విష్ణు ప్రత్యేకమైన కానుక బహుకరించాడని పేర్కొన్నారు. అలాగే అభివృద్ధిలో గుజరాత్‌ను మరింత ముందుకు తీసుకువెళ్తున్న డైనమిక్‌ లీడర్ అని కొనియాడారు. అదే విధంగా మరిన్ని విజయాలు అందుకోవాలని ఆకాంక్షించారు. అయితే గుజరాత్ సీఎం కలవడానికి గల కారణాల మాత్రం ఆయన వెల్లడించారు. దీంతో మోహన్‌ బాబు గుజరాత్‌ సీఎంకి కలవడానికి గల కారణం ఏమై ఉంటుందా? అంతా చర్చించుకుంటున్నారు.

It was a pleasure meeting the Hon’ble Chief Minister of Gujarat, Shri Bhupendra Patel Ji, along with Vishnu Manchu, Mr. Sarath Kumar, Mr. Mukesh Rishi, and Mr. Vinay Maheshwari. I thank him for the warm reception and praise the Almighty for his good health and prosperity. As a… pic.twitter.com/iDdQDh9oLV

— Mohan Babu M (@themohanbabu) January 29, 2025

కాగా ప్రస్తుతం మోహన్‌ బాబు విష్ణు డ్రీం ప్రాజెక్ట్‌గా తెరకెక్కుతున్న కన్నప్ప మూవీలో కీలక పాత్ర పోషిస్తున్న సంగతి తెలిసిందే. అలాగే ఆయన నిర్మాణంలో ఈ సినిమా రూపొందుతోంది. ముఖేష్‌ కుమార్‌ సింగ్‌ తెరకెక్కిస్తున్న ఈ సినిమాను అత్యంత భారీ బడ్జెట్‌తో ప్రతిష్టాత్మకంగా నిర్మిస్తున్నారు మోహన్‌ బాబు. ఇందులో ప్రభాస్‌, కాజల్‌, మోహన్‌ లాల్‌, అక్షయ్‌ కుమార్‌, శరత్‌ కుమార్‌ వంటి స్టార్స్‌ ముఖ్యపాత్రలు పోషిస్తున్నారు. ఏప్రిల్‌ 25న ప్రపంచవ్యాప్తంగా ఈ సినిమా విడుదల కానుంది.