Traffic challans: 20,000 వాహనాలు..ఒక్కొక్కటి 100కి పైగా ట్రాఫిక్ చలాన్లను చెల్లించాలి.. ఎక్కడో తెలుసా?

ట్రాఫిక్ ఉల్లంఘనలకు పాల్పడిన వారికి జారీ చేసే చలానాలు ఢిల్లీ ట్రాఫిక్ పోలీసులకు తలనొప్పిగా మారాయి. ఎందుకంటే ఢిల్లీ లోని 20,000 వాహనాలు ఒక్కొక్కటి 100కి పైగా చలాన్లను అందుకున్నాయి. అయితే వాటి యజమానులు ఇంకా జరిమానాలు చెల్లించడానికి పట్టించుకోలేదు.

Traffic challans: ట్రాఫిక్ ఉల్లంఘనలకు పాల్పడిన వారికి జారీ చేసే చలానాలు ఢిల్లీ ట్రాఫిక్ పోలీసులకు తలనొప్పిగా మారాయి. ఎందుకంటే ఢిల్లీ లోని 20,000 వాహనాలు ఒక్కొక్కటి 100కి పైగా చలాన్లను అందుకున్నాయి. అయితే వాటి యజమానులు ఇంకా జరిమానాలు చెల్లించడానికి పట్టించుకోలేదు.

చెల్లింపులు లేవు.. (Traffic challans)

ఢిల్లీ ట్రాఫిక్ పోలీసులు చెప్పిన దాని ప్రకారం, ఇటువంటి వాహనాలు 20,684 ఉన్నాయి, వీటిపై 100 లేదా అంతకంటే ఎక్కువ చలాన్లు జారీ చేయబడ్డాయి. అలాగే, ఢిల్లీలో 1.65 లక్షల వాహనాలపై 20 లేదా అంతకంటే ఎక్కువ చెల్లించని చలాన్లు ఉన్నాయి. మరింత ఆందోళనకరమైన విషయం ఏమిటంటే, ఈ చలాన్లు చిన్న ట్రాఫిక్ ఉల్లంఘనలకు కాదు, నిర్లక్ష్యంగా డ్రైవింగ్ చేయడం, ర్యాష్ డ్రైవింగ్, రెడ్ లైట్ జంపింగ్ మరియు లైన్ల మార్పు వంటి ప్రధానమైన వాటి కోసం జారీ చేయబడ్డాయి. ఈ చలాన్లలో ట్రాఫిక్ సిబ్బంది స్పాట్ చెకింగ్ సమయంలో జారీ చేసినవి మరియు ట్రాఫిక్ కెమెరాల ద్వారా గుర్తించబడినవి ఉన్నాయి.

గత ఏడాది  ఢిల్లీలో 14 లక్షల ట్రాఫిక్ ఉల్లంఘనలు నమోదయ్యాయి. 2021లో నమోదైన 18 లక్షల ఉల్లంఘనల నుంచి ఇది పెద్ద తగ్గుదల. ఈ ఏడాది జూన్ 30 వరకు ఢిల్లీలో 6.3 లక్షల ట్రాఫిక్ ఉల్లంఘనలు నమోదయ్యాయి.