Nani: ఇన్ని రోజులు ఇంత మంచి సినిమాను ఎందుకు చూడలేకపోయాను?.. బలగం మూవీపై హీరో నాని ట్వీట్

Nani: ఇటీవల కాలంలో టాలీవుడ్లో చిన్న సినిమాల హవా కొనసాగుతుంది. ప్రముఖ కమెడియన్‌ వేణు దర్శకుడిగా తెరకెక్కించిన మొదటి చిత్రం బలగం.

Nani: ఇటీవల కాలంలో టాలీవుడ్లో చిన్న సినిమాల హవా కొనసాగుతుంది. ప్రముఖ కమెడియన్‌ వేణు దర్శకుడిగా తెరకెక్కించిన మొదటి చిత్రం బలగం. తెలంగాణ సంస్కతి, సంప్రదాయాలు, ఆచార వ్యవహారాలు, కుటుంబ విలువలకు అద్దం పట్టేలా ఎన్నో భావోద్వేగాలను కళ్లకు కట్టినట్టు హృద్యంగా ఈ సినిమాను తెరకెక్కించారు వేణు. ఈ సినిమాలో ప్రియదర్శి, కావ్యా కల్యాణ్‌ రామ్‌ కీలక పాత్రల్లో నటించారు. సినీ ఇండస్ట్రీ పెద్దలైన మెగాస్టార్ చిరంజీవి లాంటి ప్రముఖులు ఎందరో బలగం చిత్రాన్ని మెచ్చుకున్నారు. ఈ మూవీకి అంతర్జాతీయ అవార్డులు సైతం క్యూ కట్టాయి. వీటన్నిటికీ మించి తెలంగాణలోని చాలా గ్రామాలు పల్లెల్లో కూడా ఎల్‌ఈడీ తెరలు ఏర్పాటు చేసుకుని మరీ బలగం సినిమాను చూశారంటే ఈ మూవీకున్న ప్రత్యేకతేంటో మీరే అర్థం చేసుకోవచ్చు.

బలగంపై నాని రియాక్షన్(Nani)

అయితే తాజాగా న్యాచురల్ స్టార్‌ నాని బలగం సినిమాను చూశాడట. ఈ తరుణంలో నాని ఈ మూవీపై ప్రశంసల జల్లు కురిపించాడు. ఇన్ని రోజులు ఇంత మంచి సినిమాను ఎందుకు చూడలేకపోయాను? తాను ఇది అసలు నమ్మలేకపోతున్నానంటూ ట్విట్టర్ వేదికగా నాని స్పందించాడు.

Can’t believe I have watched it this late. #Balagam
Isn’t this what telugu cinema deserved from a long time?
Thank you @VenuYeldandi9 , Raju gaaru and entire team.
Thank you @PriyadarshiPN , Kavya, Komarayya and family and every actor who breathed life in to this classic.
You…

— Nani (@NameisNani) June 20, 2023

‘నేను ఇంత ఆలస్యంగా బలగం మూవీని చూశానంటే ఇప్పటికీ నమ్మలేకపోతున్నాను. ఇది కదా తెలుగు సినిమా ఎప్పటి నుంచో కోరుకుంటుంది. వేణు, దిల్ రాజు గారికి పెద్ద థ్యాంక్స్. ప్రియదర్శి, కావ్య కల్యాణ్‌రామ్ సహా ఈ ప్రెస్టేజియస్‌ మూవీకి పని చేసిన వారందరికీ ధన్యవాదాలు. మీరందరూ సినిమాలో నటించలేదు జీవించేశారు’ అని ట్వీట్లో పేర్కొన్నారు. ప్రస్తుతం నాని చేసిన ఈ ట్వీట్ నెట్టింట తెగ వైరల్‌గా మారింది. ‘ఇంత మంచి సినిమాను ఇంత లేటుగా చూశావేంటి బ్రో’ అంటూ నెటిజన్లు కామెంట్లు వేస్తున్నారు.