Keerthy suresh: ’దసరా‘ ఫస్ట్ లుక్: పెళ్లి కూతురుగా కీర్తి సురేష్

నేచురల్ స్టార్ నాని నటిస్తున్న తాజా చిత్రం ’దసరా‘. ఇది 2023 వేసవిలో విడుదల కానుంది. కీర్తి సురేష్ కథానాయికగా నటిస్తోంది. సోమవారం ఆమె పుట్టినరోజును పురస్కరించుకుని మేకర్స్ ఫస్ట్ లుక్ పోస్టర్‌ను విడుదల చేశారు.

Tollywood: నేచురల్ స్టార్ నాని నటిస్తున్న తాజా చిత్రం ’దసరా‘. ఇది 2023 వేసవిలో విడుదల కానుంది. తెలంగాణ నేపథ్యంలో సాగే ఈ లవ్ స్టోరీలో నాని డీగ్లామర్ పాత్రను పోషిస్తున్నాడు. కీర్తి సురేష్ కథానాయికగా నటిస్తోంది. సోమవారం ఆమె పుట్టినరోజును పురస్కరించుకుని మేకర్స్ ఫస్ట్ లుక్ పోస్టర్‌ను విడుదల చేశారు.

ఈ చిత్రంలో కీర్తి సురేష్ వెన్నెల పాత్రను పోషిస్తోంది. పోస్టర్ లో కీర్తి పెళ్లి కూతురు గెటప్ లో ఉంది. పసుపుచీర ధరించి ఉల్లాసంగా కనిపిస్తోంది. హైదరాబాద్‌లో ఈ సినిమా కోసం భారీ సెట్‌ని నిర్మించారు. సుకుమార్ శిష్యుడు శ్రీకాంత్ ఓదెల దర్శకుడు. సంతోష్ నారాయణన్ సంగీతం సమకూరుస్తున్నారు. దసరా నాని కెరీర్‌లో అత్యంత భారీ వ్యయంతో నిర్మించిన చిత్రం. ఈ చిత్రానికి సంబంధించి థియేటర్, నాన్-థియేట్రికల్ డీల్స్ అన్నీ క్లోజ్ అయ్యాయి.

ఎస్ఎల్ వి సినిమాస్ దసరా నిర్మాతలు. మొదటి సింగిల్ చాలా రోజుల పాటు ట్రెండింగ్‌లో ఉంది. ఈ ఏడాది చివరి నాటికి దసరా షూటింగ్ పార్ట్‌లు పూర్తవుతాయి. దసరా 30 మార్చి 2023న పాన్ ఇండియా విడుదలకు షెడ్యూల్ చేయబడింది.