Bharat Jodo yatra: భారత్ జోడో యాత్రకు రండి.. తేజస్వియాదవ్ కు కాంగ్రెస్ ఆహ్వానం

కాంగ్రెస్ నేత రాహుల్ గాంధీ, తన భారత్ జోడో యాత్రలో పాల్గొనాల్సిందిగా బీహార్ ఉప ముఖ్యమంత్రి తేజస్వి యాదవ్‌కు ఆహ్వానం పంపించారు. బీహార్‌లోని కాంగ్రెస్ నాయకులు ఆదివారం తేజస్విని అతని తల్లిదండ్రులు, మాజీ ముఖ్యమంత్రులు లాలూ యాదవ్ మరియు రబ్రీ దేవిలను కలుసుకున్నారు

Bihar: కాంగ్రెస్ నేత రాహుల్ గాంధీ, తన భారత్ జోడో యాత్రలో పాల్గొనాల్సిందిగా బీహార్ ఉప ముఖ్యమంత్రి తేజస్వి యాదవ్‌కు ఆహ్వానం పంపించారు. బీహార్‌లోని కాంగ్రెస్ నాయకులు ఆదివారం తేజస్విని అతని తల్లిదండ్రులు, మాజీ ముఖ్యమంత్రులు లాలూ యాదవ్ మరియు రబ్రీ దేవిలను కలుసుకున్నారు మరియు తేజస్వి యాదవ్‌ను రాహుల్ గాంధీ పాదయాత్రలో చేరాలని కోరారు. 12 రాష్ట్రాల ప్రచారానికి ప్రజల మద్దతు లభించిందని కాంగ్రెస్ నేతలు తెలిపారు.

కాంగ్రెస్ ప్రతిపక్ష నాయకత్వం పై తేజస్వి సందేహాలు లేవనెత్తిన కొద్ది రోజుల తర్వాత ఈ ఆహ్వానం రావడం గమనార్హం.”బీజేపీతో ప్రత్యక్ష పోరులో ఉన్న సీట్లలో కాంగ్రెస్ పోరాడాలి, అయితే ప్రాంతీయ పార్టీలు బలంగా ఉన్న చోట, బీహార్‌లో వలె, అది మమ్మల్ని డ్రైవింగ్ సీట్లో కూర్చోనివ్వాలి” అని తేజస్వి గత వారం అన్నారు. బీహార్ ముఖ్యమంత్రి నితీష్ కుమార్‌కు కూడా ఆహ్వానం అందింది. రాహుల్ గాంధీకి నేతలు మద్దతిస్తారా లేదా అనేది ఇంకా తెలియ లేదు.

నితీష్ కుమార్ బిజెపిని విడిచిపెట్టి, ఆర్‌జెడి, కాంగ్రెస్ మరియు ఇతర ప్రతిపక్ష పార్టీలతో కలిసి కొత్త ప్రభుత్వాన్ని స్థాపించాలని తీసుకున్న నిర్ణయం. ఉత్తరాదిన బీజేపీని వ్యతిరేకిస్తున్న ప్రతిపక్షాలకు గణనీయమైన ప్రోత్సాహాన్ని ఇచ్చింది.