Last Updated:

Congress Bharat Jodo Yatra: నేటి నుంచి కాంగ్రెస్ ’భారత్ జోడో‘ యాత్ర

2024 సార్వత్రిక ఎన్నికలను దృష్టిలో ఉంచుకుని కాంగ్రెస్ ఎంపీ రాహుల్ గాంధీ ఈరోజు కన్యాకుమారి నుంచి పార్టీ 'భారత్ జోడో యాత్ర'ను ప్రారంభించనున్నారు. 3,500 కిలోమీటర్ల సుదీర్ఘ యాత్ర దాదాపు 150 రోజుల్లో పూర్తి కానుంది.

Congress Bharat Jodo Yatra: నేటి నుంచి కాంగ్రెస్ ’భారత్ జోడో‘ యాత్ర

Congress Bharat Jodo Yatra: 2024 సార్వత్రిక ఎన్నికలను దృష్టిలో ఉంచుకుని కాంగ్రెస్ ఎంపీ రాహుల్ గాంధీ ఈరోజు కన్యాకుమారి నుంచి పార్టీ ‘భారత్ జోడో యాత్ర’ను ప్రారంభించనున్నారు. 3,500 కిలోమీటర్ల సుదీర్ఘ యాత్ర దాదాపు 150 రోజుల్లో పూర్తి కానుంది. తమిళనాడులోని శ్రీపెరంబుదూర్‌లోని తన తండ్రి రాజీవ్ గాంధీ స్మారకాన్ని సందర్శించడంతో రాహుల్ గాంధీ తన రోజును ప్రారంభించారు.

తన తండ్రి స్మారక చిహ్నాన్ని సందర్శించిన అనంతరం రాహుల్ గాంధీ ఈ విధంగా ట్వీట్ చేసారు. ‘ద్వేషం, విభజన రాజకీయాల వల్ల నేను నా తండ్రిని కోల్పోయాను. దాని వల్ల నా ప్రియమైన దేశాన్ని కూడా కోల్పోను. ప్రేమ ద్వేషాన్ని జయిస్తుంది. ఆశ భయాన్ని ఓడిస్తుంది. కలిసి గెలుస్తాం. ”

150 రోజులు.. 3,500 కి. మీ భారత్ జోడో యాత్ర విశేషాలివే..

1. యాత్ర 150 రోజుల్లో 3,570 కి.మీలు ప్రయాణించి జమ్మూ కాశ్మీర్‌లో ముగుస్తుంది.
2. ఈ యాత్రలో పాల్గొనే పార్టీ నేతలు ఏ హోటల్‌లోనూ బస చేయరు.రాత్రులు కంటైనర్‌ల వద్ద గడుపుతారు. ఇలా మొత్తం 60 కంటైనర్లను ఏర్పాటు చేశారు. కొన్ని కంటైనర్లలో స్లీపింగ్ బెడ్లు, టాయిలెట్లు, ఏసీలు కూడా అమర్చారు.
3. భద్రతా కారణాల దృష్ట్యా, రాహుల్ గాంధీ ఒక కంటైనర్‌లో ఉంటారు, ఇతరులు మిగిలిన కంటైనర్‌లను పంచుకుంటారు.
4. కంటైనర్లను గ్రామం ఆకారంలో ప్రతిరోజూ కొత్త ప్రదేశంలో పార్క్ చేస్తారు. పూర్తి సమయం యాత్రికులు రోడ్డుపైనే భోజనం చేస్తారు. వారికి లాండ్రీ సేవలు అందించబడతాయి.
5. భారత్ జోడో యాత్ర యొక్క ఈ 5 నెలలలో వాతావరణంలో వచ్చే మార్పును దృష్టిలో ఉంచుకుని ఏర్పాట్లు చేయబడ్డాయి
6. నేతలు ప్రతిరోజూ 6 నుండి 7 గంటల పాటు నడుస్తారు.
7. వీరు రెండు బ్యాచ్‌లుగా ఉంటారు — ఉదయం మరియు సాయంత్రం. మార్నింగ్ బ్యాచ్ ఉదయం 7 గంటల నుంచి 10.30 గంటల వరకు, సాయంత్రం బ్యాచ్ మధ్యాహ్నం 3.30 నుంచి 6.30 గంటల వరకు వాకింగ్ చేస్తారు. రోజూ 22 నుంచి 23 కిలోమీటర్లు నడవాలనేది ప్రణాళిక.
8..యాత్ర రూట్ మ్యాప్ ప్రకారం, కన్యాకుమారి, తిరువనంతపురం, కొచ్చి, నిలంబూర్, మైసూరు, బళ్లారి, రాయచూర్, వికారాబాద్, నాందేడ్, జల్గావ్ జామోద్, ఇండోర్, కోట, దౌసా, అల్వార్, బులంద్‌షహర్, ఈ 20 కీలక ప్రదేశాలను భారత్ జోడో యాత్ర తాకనుంది. వీటిలో ఢిల్లీ, అంబాలా, పఠాన్‌కోట్, జమ్మూ, శ్రీనగర్. ఉన్నాయి.

follow us

సంబంధిత వార్తలు