Akhil Mishra: కిచెన్ లో జారిపడి మరణించిన 3 ఇడియట్స్ నటుడు అఖిల్ మిశ్రా

అమీర్ ఖాన్ '3 ఇడియట్స్'లో లైబ్రేరియన్ దూబే పాత్రలో నటించిన నటుడు అఖిల్ మిశ్రా కిచెన్ లో జారిపడి మరణించారు. రక్తపోటు సమస్యలతో బాధపడుతున్న మిశ్రా వంటగదిలో జరిగిన ప్రమాదంలో గాయాలపాలై మృతి చెందినట్లు ఆయన భార్య సుజానే బెర్నెర్ట్ తెలిపారు.

Akhil Mishra: అమీర్ ఖాన్ ‘3 ఇడియట్స్’లో లైబ్రేరియన్ దూబే పాత్రలో నటించిన నటుడు అఖిల్ మిశ్రా కిచెన్ లో జారిపడి మరణించారు. రక్తపోటు సమస్యలతో బాధపడుతున్న మిశ్రా వంటగదిలో జరిగిన ప్రమాదంలో గాయాలపాలై మృతి చెందినట్లు ఆయన భార్య సుజానే బెర్నెర్ట్ తెలిపారు. అతను కిచెన్‌లో ఒక కుర్చీలో నుంచి కిందపడటంతో అతని తలకు గాయమయింది. తరువాత అతనిని కుటుంబ సభ్యులు ఆసుపత్రికి తరలించారు. అంతర్గతంగా రక్తస్రావం ఎక్కువయింది. డాక్టర్ ఎంత ప్రయత్నించినప్పటికీ, అతన్ని రక్షించలేకపోయారని ఆమె తెలిపారు.

లైబ్రేరియన్ పాత్రలో..(Akhil Mishra)

అఖిల్ మిశ్రా, చలనచిత్రం మరియు టెలివిజన్ పరిశ్రమలో ప్రసిద్ధి చెందిన ప్రముఖ నటుడు, వివిధ బాలీవుడ్ సినిమాలు మరియు టెలివిజన్ షోలలో కనిపించారు. హజారోన్ ఖ్వైషీన్ ఐసీ’, ‘గాంధీ, మై ఫాదర్’ మరియు ‘డాన్’ వంటి చిత్రాలలో నటించారు. అమీర్ ఖాన్, శర్మన్ జోషి, కరీనా కపూర్, ఆర్ మాధవన్, బోమన్ ఇరానీ తదితరులు నటించిన ‘3 ఇడియట్స్’లో లైబ్రేరియన్ దూబే పాత్రలో అతను మంచి గుర్తింపు పొందారు. టీనా దత్తా మరియు రష్మీ దేశాయ్ నటించిన ప్రముఖ షో ‘ఉత్తరన్’లో అతను ఉమేద్ సింగ్ బుందేలా పాత్రను పోషించారు.

అఖిల్ మొదటిగా 1983లో మంజు మిశ్రాను వివాహం చేసుకున్నారు. ఆమె 1983లో తన మొదటి చలనచిత్రం ‘ధత్ తేరే…కి’ మరియు ‘గృహలక్ష్మి కా జిన్’ అనే సీరియల్‌లో అతనితో కలిసి నటించింది. 1997లో మంజు మరణించిన తర్వాత, అతను ఫిబ్రవరి 2009లో జర్మన్ నటి సుజానే బెర్నెర్ట్‌ను వివాహం చేసుకున్నారు. సుజానే ‘రామధను – ది రెయిన్‌బో’, ‘హనీమూన్ ట్రావెల్స్ ప్రై.లి. లిమిటెడ్’. ఆమె ‘యే రిష్తా క్యా కెహ్లతా హై’ అనే టీవీ షోలో కూడా నటించింది. ఆమె టెలివిజన్ ధారావాహిక 7 RCRలో మరియు హిందీ చిత్రం ది యాక్సిడెంటల్ ప్రైమ్ మినిస్టర్‌లో సోనియా గాంధీ పాత్రను పోషించింది.