Ind Vs Eng: టీమిండియాతో రెండో టెస్టుకు ఇంగ్లాండ్ స్క్వాడ్ ఇదే

England 2nd Test Match Team: టీమిండియాతో ఐదు టెస్ట్ మ్యాచ్ ల సిరీస్ లో భాగంగా తొలి టెస్టులో గెలిచి ఇంగ్లాండ్ బోణీ కొట్టింది. లీడ్స్ వేదికగా జరిగిన ఈ టెస్టులో ఇండియాపై ఇంగ్లాండ్ 5 వికెట్ల తేడాతో విజయం సాధించింది. బర్మింగ్ హోమ్ వేదికగా ఎడ్జ్ బాస్టన్ లో రేపటి నుంచి భారత్, ఇంగ్లాండ్ రెండో టెస్ట్ జరగనుంది. ఈ టెస్ట్ మ్యాచ్ కు సంబంధించి ఇంగ్లాండ్ క్రికెట్ బోర్డ్ తమ ప్లేయింగ్ 11ని ప్రకటించింది. స్క్వాడ్ లో కొత్తగా ఫాస్ట్ బౌలర్ ను ఆర్చర్ ను చేర్చిన అతనికి తుది జట్టులో స్థానం కల్పించలేదు. తొలి టెస్ట్ ఆడిన జట్టుతోని ఇంగ్లాండ్ బరిలోకి దిగుతోంది.

ఇంగ్లాండ్ బ్యాటింగ్ ఆర్డర్ విషయానికి వస్తే ఓపెనర్లుగా బెన్ డకెట్, జాక్ క్రాలీ ఆడనున్నారు. మూడో స్థానంలో పోప్ బ్యాటింగ్ కు వస్తాడు. సీనియర్ బ్యాటర్ జో రూట్, యువ బ్యాటర్ హ్యారీ బ్రూక్ నాలుగు, ఐదు స్థానాల్లో బ్యాటింగ్ కు దిగుతారు. కెప్టెన్, ఆల్ రౌండర్ బెన్ స్టోక్స్ ఆరో స్థానంలో బరిలోకి దిగనున్నాడు. ఇక ఫామ్ లో ఉన్న వికెట్ కీపర్, బ్యాటర్ జెమీ స్మిత్ ఏడో స్థానంలో ఆడతాడు. సీనియర్ బౌలర్ క్రిస్ వోక్స్, జోష్ టంగ్, బ్రైడాన్ కార్సే ఫాస్ట్ బౌలింగ్ బాధ్యతలు పంచుకుంటారు. స్పెషలిస్ట్ స్పిన్నర్ గా షోయబ్ బషీర్ కు తుది జట్టులో స్థానం దక్కింది. యువ బ్యాటర్ బెథెల్ తో పాటు, సామ్ కుక్ జామీ ఓవర్టన్ కు రెండో టెస్టులోనూ బెంచ్ కు పరిమితమయ్యారు. గస్ అట్కిన్సన్ ఇంకా గాయం నుంచి కోలుకోలేదు. మూడో టెస్ట్ సమయానికి పూర్తి ఫిట్ నెస్ సాధించే అవకాశాలు ఉన్నాయి. స్క్వాడ్ లో ఎంపికైనా వ్యక్తిగత కారణాల వలన ఆర్చర్ రెండో టెస్ట్ ఆడటం లేదని తెలుస్తోంది.

సెకండ్ టెస్ట్ ఇంగ్లాండ్ టీమ్ 11:

బెన్ డకెట్, జాక్ క్రాలే, ఓలీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్), జేమీ స్మిత్, క్రిస్ వోక్స్, బ్రైడాన్ కార్సే, జోష్ టంగ్, షోయబ్ బషీర్