Thandel: నాగ చైతన్య, సాయి పల్లవి ‘తండేల్‌’ ట్రైలర్‌ చూశారా?

Thandel Telugu Trailer Out: అక్కినేని హీరో నాగ చైతన్య మోస్ట్‌ అవైయిటెడ్‌ మూవీ ‘తండేల్‌’ ట్రైలర్‌ తాజాగా విడుదలైంది. విశాఖపట్నం ఈ రోజు మూవీ ట్రైలర్‌ లాంచ్‌ ఈవెంట్‌ని గ్రాండ్‌గా నిర్వహించింది మూవీ టీం. ఈ కార్యక్రమానికి హీరో నాగచైతన్య, సాయిపల్లవి, నిర్మాతలు అల్లు అరవింద్‌, బన్నీవాసుతో పాటు పలువురు పాల్గొన్నారు.

కాసేపటి క్రితమే ట్రైలర్‌ విడుదల చేశారు. ఎన్నో అంచనాల మధ్య విడుదలైన ఈ ట్రైలర్‌ లవ్‌, ఎమోషన్‌తో ఆద్యాంతం ఆకట్టుకుంటుంది. నాగ చైతన్య, సాయి పల్లవి కెమిస్ట్రీకి ఆడియన్స్‌ ఫిదా అవుతున్నారు. మత్స్యకారుడైన రాజు పాత్రలో చై జీవించాడు అని చెప్పాలి. ఎమోషనల్‌ అండ్‌ ఇంటెన్స్‌ లవ్‌స్టోరీతో సాగిన ఈ ట్రైలర్‌ మూవీపై మరిన్ని అంచనాలు పెంచేస్తొంది. ప్రస్తుతం ఈ ట్రైలర్‌కు ఆడియన్స్‌ నుంచి మంచి రెస్పాన్స్‌ వస్తుంది.

కాగా చందు మొండేటి దర్శకత్వంలో తెరకెక్కతోన్న ఈ సినిమాను అల్లు అరవింద్‌ సమర్పణలో గీతా ఆర్ట్స్‌ బ్యానర్‌పై బన్నీవాసు నిర్మిస్తున్నారు. రాక్‌స్టార్ దేవిశ్రీ ప్రసాద్‌ సంగీతం అందిస్తున్నారు. కాగా ఇప్పటికే ఈ చిత్రం నుంచి విడుదలైన ప్రచార పోస్టర్స్‌, పాటలు మూవీ మంచి బజ్‌ క్రియేట్‌ చేశాయి. ఇక తాజాగా విడుదలైన ట్రైలర్‌ మూవీపై అంచనాలను మరింత రెట్టింపు చేస్తుంది. ఫిబ్రవరి 7న ఈ మూవీ పాన్‌ ఇండియా స్థాయిలో విడుదల కాబోతోంది. తెలుగుతో పాటు తమిళ్‌, హిందీ, కన్నడ, మలయాళ భాషల్లో ప్రపంచవ్యాప్తంగా ప్రేక్షకుల ముందుకు రానుంది.