March 16, 2026

ipl 2026: ఐపీఎల్ 2026 సీజన్ ప్రారంభానికి ముందే డిఫెండింగ్ ఛాంపియన్ కోల్‌కతా నైట్‌రైడర్స్ (kkr) జట్టుకు భారీ ఎదురుదెబ్బ తగిలింది. ఆ జట్టు స్టార్ పేసర్ హర్షిత్ రాణా (harshit rana) తీవ్రమైన గాయం కారణంగా నడవలేని స్థితిలో కనిపించడం ఇప్పుడు కేకేఆర్ అభిమానులను ఆందోళనకు గురిచేస్తోంది. టీ20 ప్రపంచకప్ 2026కు ముందు దక్షిణాఫ్రికాతో జరిగిన సన్నాహక మ్యాచ్‌లో హర్షిత్ రాణా మోకాలికి తీవ్ర గాయమైంది. దీనివల్ల ఆయన ప్రపంచకప్‌కు కూడా దూరమయ్యారు. తాజాగా ఢిల్లీలో జరిగిన బీసీసీఐ నమన్ అవార్డుల వేడుకలో హర్షిత్ రాణా హ్యాండ్ స్టిక్ సాయంతో కుంటుతూ నడుస్తూ కనిపించారు. ఈ వీడియో సోషల్ మీడియాలో వైరల్ కావడంతో, ఆయన ఐపీఎల్ 2026 సీజన్ మొత్తానికి దూరమయ్యే అవకాశాలు కనిపిస్తున్నాయి.