April 6, 2026

delhi assembly: దిల్లీ అసెంబ్లీ (delhi assembly) వద్ద జరిగిన భద్రతా ఉల్లంఘన ఘటన తీవ్ర కలకలం రేపింది. అత్యంత భద్రత ఉండే అసెంబ్లీ ప్రాంగణంలోకి గుర్తు తెలియని వ్యక్తులు కారుతో చొరబడటం భద్రతా వ్యవస్థపై ప్రశ్నార్థకాలను లేవనెత్తుతోంది. సోమవారం మధ్యాహ్నం సుమారు 2 గంటల సమయంలో ఈ ఘటన చోటుచేసుకుంది. ఉత్తరప్రదేశ్ రిజిస్ట్రేషన్ నంబర్ కలిగిన ఒక కారు, దిల్లీ అసెంబ్లీలోని గేట్ నెం. 2 (వీఐపీ ఎంట్రన్స్) వద్ద ఉన్న బారికేడ్‌లను బలంగా ఢీకొట్టి లోపలికి దూసుకుపోయింది. కారులో ఉన్న డ్రైవర్ మాస్క్ ధరించి ఉన్నట్లు ప్రత్యక్ష సాక్షులు తెలిపారు. లోపలికి వెళ్లిన ఆ వ్యక్తి నేరుగా స్పీకర్ కార్యాలయం వద్దకు వెళ్లి, అక్కడ ఒక పూలగుత్తిని ఉంచి, వెంటనే అక్కడి నుండి కారులో పరారయ్యాడు.