Samyuktha : పవర్ స్టార్ పవన్ కళ్యాణ్, రానా కలిసి నటించిన భీమ్లానాయక్ తో తెలుగు తెరకు పరిచయమైంది సంయుక్త మీనన్. రానాకి భార్య పాత్రలో నటించిన ఈ ముద్దుగుమ్మ తనదైన నటనతో విమర్శకుల ప్రశంసలు అందుకుంది. దీంతో ఆమెకు అటు తెలుగు, తమిళంలో వరుస అవకాశాలు వస్తున్నాయి. 2016లో పాప్ కార్న్ అనే తమిళ చిత్రం ద్వారా తన సినీ కెరీర్ ని ఆరంభించింది ఈ భామ. ఇక ఇటీవలే నందమూరి కళ్యాణ్ రామ్ సరసన బింబిసారా, తమిళ్ స్టార్ హీరో ధనుష్ హీరోగా చేసిన సార్ మూవీ లతో మంచి సక్సెస్ లను అందుకుంది. దీంతో హ్యాట్రిక్ హిట్ లను అందుకున్న ఈ భామ మంచి జోష్ లో ఉంది. ఇక ఇప్పుడు తాజాగా సాయి ధరమ్ తేజ్ తో కలిసి చేసిన “విరూపాక్ష” కూడా హిట్ టాక్ తెచ్చుకోవడంతో గోల్డెన్ లెగ్ బ్యూటీ అని టాలీవుడ్ లో చర్చించుకుంటున్నారు.
