Marriage : 22 ఏళ్ల యువతికి 42 ఏళ్ల వ్యక్తితో పెళ్లి ఏర్పాట్లు.. ఆ తర్వాత ఏం జరిగిందంటే?

Marriage : ఇద్దరి ఇష్టంతోనే జరిగితేనే అది వివాహం. లేకపోతే భవిష్యత్‌లో తీవ్ర ఇబ్బందులు ఎదుర్కోవాల్సి వస్తోంది. కుటుంబ ఆర్థిక పరిస్థితుల కారణంగా తమ కూతురికి వివాహం చేసి బాధ్యత నెరవేర్చుకోవాలని కొందరు తల్లిదండ్రులు వయసు ఎక్కువగా ఉన్నవారికి ఇచ్చి వివాహం చేయడం ఆ తర్వాత సమస్యలు ఎదుర్కోవడం చూస్తున్నాం. ఇద్దరి మధ్య ఈడుజోడు కలవాలి.. అభిప్రాయాలు ఒకటి కావాలి అనే విషయాలను పట్టించుకోకపోవటం వల్లే వివాహాలు పెటాకులు అవుతున్నాయి. తాజాగా కాకినాడలో 23 యువతితో 42 ఏళ్ల వ్యక్తి వివాహానికి సిద్ధమయ్యాడు. పోలీసుల జోక్యంతో కథ అడ్డం తిరిగింది.

కూతురుకు ఇష్టంలేని పెళ్లి..
అన్నవరం సత్యదేవుని దేవాలయంలో పెండ్లి కూతురికి ఇష్టం లేని పెళ్లి చేయడానికి తల్లిదండ్రులు సిద్ధమయ్యారు. 23 ఏళ్ల సుమతికి 42 ఏళ్ల వెంకటరమణతో పెళ్లి చేయడానికి ఏర్పాట్లు చేశారు. పెళ్లి ఇష్టం లేని సదరు యువతి ఏడ్చింది. గమనించిన ఆలయ సిబ్బంది వివాహాన్ని అడ్డుకున్నారు. అనంతరం పోలీసులకు సమాచారం అందించారు. వెంటనే అక్కడికి చేరుకున్న పోలీసులు పెళ్లి కూతురు తల్లిదండ్రులను విషయం అడిగి తెలుసుకున్నారు. తమ ఆర్థిక పరిస్థితి అంత బాగాలేకనే అమ్మాయికి వివాహం చేస్తున్నామని వధువు తల్లిదండ్రులు చెప్పారు. యువతికి ఇష్టం లేని వివాహం చేయొద్దని కౌన్సెలింగ్ ఇచ్చిన పోలీసులు వారిని అక్కడి నుంచి పంపించారు.