live tv
HOT
NOWHOT
NOW
అండర్ వరల్డ్ డాన్ దావూద్ ఇబ్రహీంపై విషప్రయోగం జరిగిందంటూ సోషల్ మీడియాలో ఒక వార్త వైరల్ అవుతోంది. ఆయనపై కరాచీలో విషప్రయోగం జరిగినట్లు చెబుతున్నారు. పాకిస్థాన్ సోషల్ మీడియాలో వైరల్ అవుతున్న నివేదికల ప్రకారం.. ప్రస్తుతం అతని పరిస్థితి విషమంగా ఉండటంతో ఆసుపత్రిలో చేరినట్లు తెలుస్తోంది.
చైనా రాజధాని బీజింగ్ లో రెండు మెట్రో రైళ్లు ఢీకొనడంతో 500 మందికి పైగా గాయపడ్డారని అధికారులు తెలిపారు. గాయపడిన 515 మందిలో, 102 మంది ఎముకలు విరిగి ఆసుపత్రి పాలయ్యారు. అయితే ఇప్పటివరకు ఎటువంటి ప్రాణనష్టం జరగలేదు.
భారత్‌తో సహా 33 దేశాల పర్యాటకులకు వీసా నిబంధనలను ఏకపక్షంగా రద్దు చేయాలని ఇరాన్ ప్రభుత్వం నిర్ణయించినట్లు ఇరాన్ సాంస్కృతిక వారసత్వం, పర్యాటకం మరియు హస్తకళల మంత్రి ఎజ్జతోల్లా జర్ఘామి ప్రకటించారు. పర్యాటకుల రాకపోకలను పెంచడానికి మరియు ఇతర దేశాల నుండి ఎక్కువ మంది సందర్శకులను ఆకర్షించడానికి ఈ నిర్ణయం తీసుకోబడింది.
శుక్రవారం తెల్లవారుజామున ఆగ్నేయ ఇరాన్‌లోని ఒక పోలీసు స్టేషన్‌పై బలూచ్ మిలిటెంట్లు చేసిన దాడిలో 11 మంది భద్రతా సిబ్బంది మరణించగా పలువురు గాయపడ్డారు.సిస్తాన్-బలుచెస్తాన్‌ప్రావిన్స్‌లోని రాస్క్ పట్టణంలో జరిగిన ఈ దాడిలో తీవ్రవాద జైష్ అల్-అడ్ల్ గ్రూపులోని పలువురు సభ్యులు కూడా మరణించారు.
అమెరికా అధ్యక్ష ఎన్నికల్లో పోటీ చేస్తున్న రిపబ్లికన్ పార్టీ అభ్యర్థి వివేక్ రామస్వామి హిందువుగా తన విశ్వాసాలను సమర్థించుకున్నారు. నేను నా రాజకీయ జీవితాన్ని ముగించవలసి వస్తే అలాగే చేస్తాను కాని మతం మాత్రం మారను అంటూ వ్యాఖ్యానించారు. సీఎన్ఎన్ టౌన్ హాల్లో ఓటర్లను ఉద్దేశించి రామస్వామి ప్రసంగించారు.
పార్లమెంటులో ఇజ్రాయెల్‌ను విమర్శిస్తూ గుండెపోటుతో కుప్పకూలిపోయిన టర్కీ ఎంపీ హసన్ బిట్మెజ్ గురువారం మరణించారు. ప్రతిపక్ష ఫెలిసిటీ (సాడెట్) పార్టీకి చెందిన 54 హసన్ బిట్మెజ్ ఏళ్ల అంకారా సిటీ ఆసుపత్రిలో మరణించారని టర్కీ ఆరోగ్య మంత్రి ఫహ్రెటిన్ కోకా తెలిపారు.బిట్మెజ్ సెంటర్ ఫర్ ఇస్లామిక్ యూనియన్ రీసెర్చ్ చైర్మన్ మరియు గతంలో ఇస్లామిక్ ప్రభుత్వేతర సంస్థల కోసం పనిచేశారు.
తూర్పు డెమొక్రాటిక్ రిపబ్లిక్ ఆఫ్ కాంగోలో బుకావు నగరంలో కుండపోత వర్షాలతో కొండచరియలు విరిగిపడి ఇళ్లు కూలిపోవడంతో 14 మంది మరణించారు.బాధితులందరూ ఇబాండాలోని బుకావు కమ్యూన్‌లో మరణించారు. అక్కడ వర్షం కింద కూలిపోయిన తాత్కాలిక ఇళ్లలో చాలా మంది నివసిస్తున్నారని కమ్యూన్ మేయర్ జీన్ బాలెక్ ముగాబో చెప్పారు.
ఇస్లామిక్ మిలిటెంట్లు వాయువ్య పాకిస్థాన్‌లోని పోలీస్ స్టేషన్‌పైకి పేలుడు పదార్థాలతో కూడిన ట్రక్కును ఢీకొట్టడంతో 25 మంది మరణించగా 16 మంది గాయపడ్డారు. ఆత్మాహుతి బాంబర్లు సెక్యూరిటీ కాంపౌండ్‌పైకి చొరబడి, ప్రాంగణంలోని పేలుడు పదార్థాలను పేల్చారు. భద్రతా సిబ్బందిపై కూడా ఉగ్రవాదులు కాల్పులు జరపడంతో ఎదురుకాల్పులు జరిగాయి.
ఇరాక్‌లోని అమెరికా రాయబార కార్యాలయం లక్ష్యంగా క్షిపణి దాడులు జరిగాయి. కార్యాలయం కాంపౌండ్‌ లోపల సుమారు ఏడు మోర్టర్ రౌండ్లు పడ్డాయని అమెరికా మిలిటరీ అధికారులు వెల్లడించారు. ఇరాక్‌లో ఈ మధ్య కాలంలో అమెరికా రాయబార కార్యాలయం లక్ష్యంగా జరిగిన అతిపెద్ద దాడిగా ఈ క్షిపణి దాడిని అభివర్ణించారు.
బ్రిటన్‌ ప్రధాని రిషి సునక్‌ కు చేదు అనుభవం ఎదురైంది. ఆయన అధికారిక నివాసం డోర్‌ లాక్‌ అయ్యింది. దీంతో డచ్ ప్రధానితో కలిసి కొంతసేపు ఆ డోర్‌ బయట ఆయన వేచి ఉండాల్సి వచ్చింది. ఈ వీడియో క్లిప్‌ సోషల్ మీడియాలో వైరల్ అయ్యింది. డచ్ ప్రధాన మంత్రి మార్క్ రుట్టే బ్రిటన్‌ సందర్శించారు.
Download app