Unwanted Hair: మహిళల ముఖంపై వచ్చే అవాంచిత రోమాలకు ఇలా వీడ్కోలు పలకండి.!

unwanted hair removal on face: మహిళల ముఖంపై అవాంచిత రోమాలు ఎప్పటికైనా ఇబ్బందికి గురిచేసేవే. వీటిని వదిలించుకోవడానికి చాలా టిప్స్ వాడుతుంటారు అతివలు. అయితే అమ్మమ్మలకాలంనుంచి వాడే కొన్ని టిప్స్ శరీరానికి ముఖ కాంతిని ఇవ్వడంతో పాటు అవాంచిత రోమాలను తొలగిస్తుంది.

ముఖంపై అవాంఛిత వెంట్రుకలను ఏ స్త్రీ కూడా ఇష్టపడదు. కొంతమంది మహిళలు వ్యాక్స్ చేయించుకుంటారు. మరికొందరు రేజర్‌ను కూడా ఉపయోగిస్తారు. కానీ ఇవి శాశ్వతంకాదు. తిరిగి వెంట్రులు వచ్చే అవకాశం ఉంటుంది. దానికి బదులుగా మన భారతీయపాత పద్దతులనే వాడటం చాలా మంచిదిట.

అదే సమయంలో, చాలా మంది మహిళలు ముఖం నుండి అవాంఛిత వెంట్రుకలను తొలగించడానికి ఖరీదైన చికిత్సలను కూడా తీసుకుంటారు. కానీ ఈ చికిత్సలు కూడా కొంతకాలం మాత్రమే  ఉంటాయి.

భారతీయ పాతకాలంనాటి మనుషులు ( కొందరు ఇప్పుడు కూడా వాడుతున్నారు ) శనగపిండి, పసుపును వాడతారు. ఇది చాలా ప్రయోజనకరం.

పసుపు, శనగపిండిని ఉపయోగించడం ద్వారా,  ముఖం నుంచి అవాంఛిత వెంట్రుకలను సులభంగా తొలగించవచ్చు. శనగపిండి చర్మాన్ని లోతుగా శుభ్రపరచడమే కాకుండా అవాంఛిత  వెంట్రుకలను తొలగించడంలో కూడా సహాయపడుతుంది. తీనికి తోడు పసుపు వాడటం వలన ముఖంపై అవాంచితరోమాలు తిరిగి రాకుండా సహాయపడుతుంది. పచ్చి పసుపును చిన్న వయసునుంచే ఆడపిల్లలు వాడినట్లయితే ముఖంపై అవాంచిత రోమాలు రావు. అలాగే, పసుపు, శనగపిండి చర్మాన్ని మృదువుగా  ఉంచడంలో సహాయపడతాయి.

శనగ పిండి, పసుపు మరియు తేనె
ముఖంపై నుంచి అవాంఛిత రోమాలను తొలగించడానికి శనగ పిండి, తేనెను ఉపయోగించవచ్చు. దీని కోసం, ఒక గిన్నెలో 2 టీస్పూన్ల శనగ పిండిని, 2 టీస్పూన్ల తేనె, చిటికెడు పసుపు వేసి బాగా కలపండి. ఇప్పుడు ఈ పేస్ట్‌ను మీ ముఖంపై అప్లై చేసి కొంత సమయం అలాగే ఉంచండి. అది ఆరిన తర్వాత ముఖాన్ని నీటితో కడగాలి. ఈ నివారణను వారానికి 2 నుండి 3 సార్లు చేయడం ద్వారా, అవాంఛిత వెంట్రుకలు క్రమంగా మాయమవుతాయి.

శనగ పిండి మరియు రోజ్ వాటర్ 
ముఖంపై ఉన్న వెంట్రుకలను వదిలించుకోవడానికి, మీరు శనగ పిండి మరియు రోజ్ వాటర్‌ను ఉపయోగించవచ్చు. దీని కోసం, ఒక గిన్నెలో 2 టీస్పూన్ల శనగ పిండిని తీసుకోండి. 2 టీస్పూన్ల రోజ్ వాటర్ మరియు ఒక టీస్పూన్ నిమ్మరసం వేసి బాగా కలపండి. ఈ పేస్ట్‌ను మీ ముఖంపై అప్లై చేయండి. ఆపై కొద్దిసేపు ఆరనివ్వండి. దాదాపు 20 నిమిషాల తర్వాత, పేస్ట్‌ను తేలికగా రుద్దాలి. ఆపై  ముఖాన్ని నీటితో కడగాలి. వారానికి 2-3 సార్లు ఉపయోగించడం ద్వారా,  అవాంఛిత   వెంట్రుకలు తొలగించవచ్చు.

శనగపిండి మరియు పెరుగు
శనగపిండి, పెరుగు మిశ్రమం అవాంఛిత ముఖంపై ఉన్న వెంట్రుకలను తొలగించడంలో సహాయపడుతుంది. దీని కోసం, ఒక గిన్నెలో 2 టీస్పూన్ల శనగపిండిని,  2 టీస్పూన్ల పెరుగు వేసి బాగా కలపండి. ఇప్పుడు ఈ పేస్ట్‌ను మీ ముఖంపై కొంత సమయం పాటు అప్లై చేయండి.  20 నిమిషాల తర్వాత,   తేలికగా రుద్దండి , ఆ తర్వాత  ముఖాన్ని గోరువెచ్చని నీటితో కడగాలి. వారానికి 2-3 సార్లు ఉపయోగించడం ద్వారా,  అవాంచిన రోమాలను వదిలించుకోవచ్చు.

శనగపిండి మరియు బొప్పాయి 
మీరు మీ ముఖంపై నుంచి అవాంఛిత వెంట్రుకలను తొలగించాలనుకుంటే, మీరు శనగపిండి, బొప్పాయిని ఉపయోగించవచ్చు. వాస్తవానికి, బొప్పాయిలో పపైన్ అనే ఎంజైమ్ ఉంటుంది, ఇది జుట్టు పెరుగుదలను నివారించడంలో సహాయపడుతుంది. దీని కోసం, ఒక గిన్నెలో 2 టీస్పూన్ల శనగపిండి తీసుకోండి. ఒక టీస్పూన్ బొప్పాయి గుజ్జు మరియు ఒక టీస్పూన్ కలబంద జెల్ వేసి బాగా కలపండి. ఇప్పుడు ఈ పేస్ట్ ని ముఖానికి అప్లై చేసి కొంతసేపు అలాగే ఉంచండి. దాదాపు 30 నిమిషాల తర్వాత, తేలికగా రుద్దండి. ఆ తర్వాత, ముఖాన్ని నీటితో కడగాలి. వారానికి 2-3 సార్లు ఉపయోగించడం ద్వారా, మీరు అవాంఛిత వెంట్రుకలను వదిలించుకోవచ్చు.