Published On: July 2, 2025 / 01:35 PM IST

Hari Hara Veera Mallu: పవన్ ఫ్యాన్స్‌కు గుడ్ న్యూస్.. ‘హరి హర వీరమల్లు’ ట్రైలర్ టైమ్ ఫిక్స్!

Written By: Guruvendhar Reddy

Hari Hara Veera Mallu Trailer Date Fix: పవర్ స్టార్ పవన్ కల్యాణ్ హీరోగా నటిస్తున్న లేటెస్ట్ మూవీ ‘హరిహర వీరమల్లు’. ఈ సినిమాకు క్రిష్, జ్యోతికృష్ణ దర్శకత్వం వహిస్తుండగా.. నిధి అగర్వాల్ హీరోయిన్‌గా నటిస్తుంది. ఈ సినిమాకు సంబంధించి ఇటీవల మెగాస్టార్ చిరంజీవి సైతం షూటింగ్ పనులను దగ్గరుండి తిలకించారు. తాజాగా, మేకర్స్ మరో అప్డేట్ ప్రకటించారు. ఈ సినిమా ట్రైలర్‌కు సంబంధించి మెగా ఫ్యాన్స్‌కు అదిరిపోయే వార్త చెప్పారు. ఈ మూవీ ట్రైలర్‌ను విడుదల చేస్తున్నట్లు ప్రకటించారు.

ఈ మేరకు జూలై 3వ తేదీన ఉదయం 11.10 గంటలకు రిలీజ్ చేస్తున్నట్లు మేకర్స్ తెలిపారు. అయితే మేకర్స్ ఓ వీడియోను పంచుకున్నారు. అందులో పవర్ స్టార్ పవన్ కల్యాణ్ ఎంజాయ్ చేస్తున్నట్లు కనిపించింది. అంతేకాకుండా వీడియో చివరిలో ఆ సినిమా డైరెక్టర్‌ను సైతం పవన్ అభిమానించాడు. సూపర్ అంటూ ప్రేమగా హగ్ చేసుకున్నాడు. ఇందులో భాగంగానే మూవీ టీం ‘తుఫాన్ వెనుక ఉన్న ఎనర్జీ.. ట్రైలర్ చూసినవెంటనే పవన్ సైతం సంతోషాన్ని కంట్రోల్ చేయలేకపోయారు.’ అంటూ ట్వీట్ చేసింది. కాగా, పవన్ కల్యాణ్.. ఈ ట్రైలర్‌ను డైరెక్టర్ త్రివిక్రమ్‌తో తిలకించారు.

అయితే, తొలుత ఈ సినిమాను క్రిష్ తెరకెక్కిస్తుండగా.. తర్వాత జ్యోతికృష్ణ దర్శకత్వ బాధ్యతులు తీసుకున్నాడు. ఇందులో పవన్ కల్యాణ్ ఓ చారిత్రక యోధుడిలా యాక్టింగ్ చేస్తున్నాడు. గతంలో ఎప్పుడూ చేయని పాత్రను పోషిస్తున్నారు. అలాగే బాబీ, అనుపమ్ ఖేర్, సత్యరాజ్ కీలక పాత్రల్లో నటిస్తున్నారు. కాగా, ఫస్ట్ పార్ట్ ‘హరి హర వీరమల్లు: పార్ట్ 1-స్వార్డ్ వర్సెస్ స్పరిట్’ట్యాగ్‌తో ప్రేక్షకుల ముందుకు తీసుకొస్తున్నారు.