Last Updated: May 30, 2023 / 07:58 AM IST

Daily Horoscope : నేడు ఈ రాశుల లోని నిరుద్యోగులకు మంచి కంపెనీలో ఉద్యోగం లభించే అవకాశం..?

జ్యోతిష్యం ప్రకారం నేడు ఈ రాశుల లోని నిరుద్యోగులకు మంచి కంపెనీలో ఉద్యోగం లభించే అవకాశం ఉందని తెలుస్తుంది. అలాగే మే 30 వ తేదీన రాశి ఫలాలు (Daily Horoscope)  ఎలా ఉన్నాయో ప్రత్యేకంగా మీకోసం..

Daily Horoscope : జ్యోతిష్యం ప్రకారం నేడు ఈ రాశుల లోని నిరుద్యోగులకు మంచి కంపెనీలో ఉద్యోగం లభించే అవకాశం ఉందని తెలుస్తుంది. అలాగే మే 30 వ తేదీన రాశి ఫలాలు (Daily Horoscope)  ఎలా ఉన్నాయో ప్రత్యేకంగా మీకోసం..

మేషం..

ఉద్యోగ జీవితం సాఫీగా సాగిపోతుంది. అధికారుల నుంచి గుర్తింపు లభిస్తుంది. వృత్తి వ్యాపారాల్లో లాభాలు నిలకడగా ఉంటాయి. ఆర్థిక వ్యవహారాలు మంచి ఫలితాలను ఇస్తాయి. ఆకస్మిక ధన లాభానికి అవకాశం ఉంది. నిరుద్యోగులకు మంచి ఉద్యోగం లభిస్తుంది. కొత్త పరిచయాలు ఏర్పడతాయి. వ్యసనాలకు దూరంగా ఉండండి.ప్రేమ వ్యవహారాలు ఉత్సాహం కలిగిస్తాయి.

వృషభం..

ఉద్యోగంలో పని భారం ఎక్కువగా ఉంటుంది. ముఖ్యమైన పనుల్లో శ్రమ, తిప్పట ఉంటాయి. ఆర్థిక సమస్యల కారణంగా కొద్దిగా ఇబ్బంది పడతారు. కొందరు మిత్రుల సహాయ సహకారాల వల్ల ఒక వ్యక్తిగత సమస్య నుంచి బయటపడతారు. బంధువులతో విభేదాలు తలెత్తుతాయి. పెళ్లి సంబంధం కుదురుతుంది. ఆరోగ్యం నిలకడగా ఉంటుంది. ప్రేమ వ్యవహారాలు నిరుత్సాహం కలిగిస్తాయి.

మిథునం..

ఉద్యోగంలో బరువు బాధ్యతలు పెరుగుతాయి. సహచరుల పని భారం కూడా మీద పడుతుంది. ఆర్థిక పరిస్థితి బాగానే ఉంటుంది. స్తోమతకు మించి ఇతరులకు సహాయం చేస్తారు. వృత్తి వ్యాపారాల్లో ఆర్థిక ప్రయోజనాలు కనిపిస్తాయి. అనుకోకుండా కొద్దిగా డబ్బు కలిసి వస్తుంది. ఆరోగ్యం బాగానే ఉంటుంది. శరీరానికి విశ్రాంతి అవసరమని గ్రహించండి. ప్రేమ వ్యవహారాల్లో ముందడుగు వేస్తారు.

కర్కాటకం..

అదనపు ఆదాయం కోసం కొత్త ప్రయత్నాలు ప్రారంభిస్తారు. ఉద్యోగంలో అధికార యోగానికి అవకాశం ఉంది. ఆర్థిక పరిస్థితి ఆశాజనకంగా ఉంటుంది. శుభ పరిణామాలు చోటు చేసుకుంటాయి. విదేశాల నుంచి ఆశించిన సమాచారం అందుతుంది. పిల్లలు శుభవార్త మోసుకొస్తారు. ఆరోగ్యం చాలావరకు బాగుంటుంది. బందు వర్గంలో మంచి పెళ్లి సంబంధం కుదురుతుంది.

సింహం..

ఉద్యోగపరంగా సానుకూల పరిస్థితులు కనిపిస్తాయి.ఆర్థిక పరిస్థితి బాగా లేకపోయినా తోబుట్టువులకు అండగా నిలబడతారు. పిల్లల నుంచి శుభవార్త వింటారు. కుటుంబంలో కొద్దిగా ప్రశాంతత తగ్గుతుంది. వాదోపవాదాలకు దూరంగా ఉండండి. వృత్తి వ్యాపారాల్లో లాభాల పరిస్థితి నిలకడగా ఉంటుంది. ఆరోగ్య పరిస్థితి అనుకూలంగా ఉంటుంది. పెళ్లి సంబంధం వెనక్కి వెళుతుంది.

కన్య..

ఆర్థిక పరిస్థితి నిలకడగా ఉంటుంది. మొండి బాకీ ఒకటి వసూలు అవుతుంది. ఉద్యోగపరంగా బాగా ఒత్తిడి ఉంటుంది. వ్యాపారాల్లో ఆర్థిక పరిస్థితి పెద్దగా ఆశాజనకంగా ఉండకపోవచ్చు. ప్రతి విషయంలోనూ అతి జాగ్రత్తగా వ్యవహరించడం, ఆచితూచి అడుగు వేయడం మంచిది. వివాదాలు, విభేదాలు తలెత్తే అవకాశం ఉంది. ఆరోగ్యం బాగానే ఉంటుంది. ప్రేమ వ్యవహారాలు సానుకూల పడతాయి.

తుల..

బాగా ఆలోచించి నిర్ణయాలు తీసుకోండి. ఉద్యోగపరంగా, కుటుంబ పరంగా తొందరపాటు నిర్ణయాలు మంచివి కావు. బంధుమిత్రులతో కలిసి ఒక వినోద కార్యక్రమములో పాల్గొంటారు. ఆర్థికంగా బాగానే ఉంటుంది. అనవసర ఖర్చులు తగ్గించుకోవాలి. విదేశాల నుంచి ఒక శుభవార్త వింటారు. ఆస్తి విలువ పెరిగినట్టు శుభవార్త అందుతుంది. నిరుద్యోగులకు మంచి కంపెనీలో ఉద్యోగం లభించే అవకాశం ఉంది.

వృశ్చికం..

చిన్ననాటి స్నేహితులను కలుసుకుంటారు. విందులు వినోదాల్లో పాల్గొంటారు. ఉద్యోగంలో చిన్నపాటి సమస్యలు ఎదురైనా మొండి పట్టుదలతో లక్ష్యాలు పూర్తి చేస్తారు. బంధువులతో అపార్ధాలు తొలగిపోతాయి. శ్రమ తిప్పట ఎక్కువగా ఉంటుంది. ముఖ్యమైన పనులకు ఆటంకాలు ఏర్పడతాయి. అనారోగ్యంతో కొద్దిగా ఇబ్బంది పడతారు. ప్రేమ వ్యవహారాలు మందకొడిగా సాగుతాయి.

ధనుస్సు..

రాదనుకున్న డబ్బు చేతికి అంచుతుంది. బంధుమిత్రులకు సహాయం చేస్తారు. బంధు వర్గంలోని వారితో మంచి పెళ్లి సంబంధం కుదురుతుంది. మంచి నిర్ణయాలు తీసుకుంటారు. కుటుంబ సభ్యులను కూడా సంప్రదించడం మంచిది. ఉద్యోగంలో ప్రశాంత వాతావరణం కొనసాగుతుంది. అనారోగ్యం నుంచి ఉపశమనం లభిస్తుంది. ఉన్నత విద్యలో ఉన్న విద్యార్థులు బాగా రాణిస్తారు.

మకరం..

డబ్బు ఇవ్వడం, తీసుకోవడం వంటి ఆర్థిక లావాదేవీలు పెట్టుకోవద్దు. డబ్బు నష్టపోయే అవకాశం ఉంది. ఉద్యోగంలో శుభవార్త వింటారు. వృత్తి వ్యాపారాల్లో ఆశించిన స్థాయిలో పురోగతి కనిపిస్తుంది. ఆకస్మిక ప్రయాణానికి అవకాశం ఉంది. పిల్లల నుంచి శుభవార్త వింటారు. నిరుద్యోగులు దూర ప్రాంతంలో ఉద్యోగంలో స్థిరపడతారు. కొత్త నిర్ణయాల వల్ల ప్రయోజనం ఉంటుంది. ప్రేమ వ్యవహారాలు నిరుత్సాహం కలిగిస్తాయి.

కుంభం..

వృత్తి వ్యాపారాల్లో లాభాలు పెరుగుతాయి. ఉద్యోగంలో ఆదాయం నిలకడగా ఉంటుంది. ఖర్చులు తగ్గించుకుంటారు. ఆర్థిక పరిస్థితి ఆశాజనకంగా ఉంటుంది. అదనపు ఆదాయ మార్గం కోసం కుటుంబ సభ్యులతో చర్చిస్తారు. తల్లిదండ్రుల నుంచి సహాయ సహకారాలు లభిస్తాయి. కుటుంబ సభ్యులతో కలిసి విహారయాత్ర చేసే అవకాశం ఉంది. ప్రేమ వ్యవహారాలు అనుకూలంగా ఉంటాయి.

మీనం..

రోజంతా ప్రశాంతంగా గడిచిపోతుంది. ఉద్యోగంలో అధికారుల నుంచి, సహచరుల నుంచి సహాయ సహకారాలు అందుతాయి. వృత్తి వ్యాపారాల్లో ఆర్థిక పరిస్థితి అనుకూలంగా ఉంటుంది. ఆదాయంలో ఆశించినంత పెరుగుదల ఉంటుంది కానీ, ఖర్చులు తగ్గించుకోవాల్సిన అవసరం ఉంది. మంచి కంపెనీ నుంచి ఆఫర్ వస్తుంది. శుభపరిణామాలు చోటు చేసుకుంటాయి.