Iravai Moodu: ‘ఇరవై మూడు’ చరిత్రలో నిలిచిపోయిన కథ..!

Iravai Moodu: ఒక సినిమా ప్రేక్షకుడిని కట్టిపడేయాలి అంటే, కథ గొప్పదిగా ఉండాలి, పాత్రలు మనతో జీవించాలి, భావోద్వేగాలు గుండెలను తాకాలి. ‘ఇరవై మూడు’ అనే సినిమా ఇదంతా కలిపిన ఓ అద్భుత ప్రయత్నం. సినిమా థియేటర్స్‌లో మిస్ అయ్యాననే బాధ నాకు ఇప్పుడిప్పుడే నిజంగా తెలుస్తోంది. అమెజాన్ ప్రైమ్ వీడియో లో చూస్తున్నప్పుడు, ‘ఇంత గొప్ప సినిమాని నేనెలా వదిలేశాను?’ అనే ఫీలింగ్‌లో మునిగిపోయాను. ఈ సినిమా ఒక వర్తమాన దళితుని వాస్తవ సంఘటనల ఆధారంగా రూపొందించబడి, మనిషి జీవిత మార్గాన్ని ఎలా మలిచేను అనేది చూపిస్తుంది.

ఒక చిన్న దొంగతనాన్ని చేస్తే బాగుంటుందనుకున్న ఓ యువకుడు, అనుకోకుండా 23 మంది మరణాలకు కారణమవుతాడు. అదే జీవితాన్ని తలకిందులు చేస్తుంది. జైలు జీవితం, అణచివేతలు, దళితునిగా ఎదురు చూసే అనుభవాలు ఇవన్నీ కలిపి ఒక విప్లవాత్మక మార్పుకు నాంది పలుకుతాయి. ఆ వ్యక్తి ఒక పుస్తకం రాస్తాడు. అదే పుస్తకం అనేకమందికి మార్గదర్శకమవుతుంది. పుస్తకం ఓ అస్త్రంలా మారుతుంది. కథ కథగా కాకుండా, జీవితాన్ని మార్చిన ఓ గొప్ప మార్గంగా మారుతుంది.

ఈ సినిమా లో ఎక్కడా ఎత్తుగడలు వేసినట్టు అనిపించదు. దర్శకుడు, రచయితలు కధని ఎంతో భావోద్వేగంతో, నిజాయితీతో చెప్పే ప్రయత్నం చేశారు. దళితుల పోరాటాలపై ఎన్నో సినిమాలు వచ్చాయి. కానీ ఇది కూడా వాటిలో ఒక గొప్ప స్థానం సంపాదించుకుంది. అణచివేత, సంఘ సంస్కరణ, స్వచ్ఛమైన మార్పు, ఇవన్నీ ఈ సినిమాలో జీవించాయి.

‘ఇరవై మూడు’లాంటి సినిమాలు ఓ నిశబ్ద విప్లవం. ఇవి గొంతెత్తి కేకలవ్వకపోవచ్చు. కానీ మనసుల్లో మార్పుకు మొదలు పెడతాయి. ఈ సినిమా చూస్తున్నప్పుడు మనిషిలోని బలహీనతలు, బలాలు అన్నీ ఒక్కసారి కళ్లముందు నిలుస్తాయి.ఇప్పుడు అమెజాన్ ప్రైమ్ వీడియో లో స్ట్రీమింగ్ లో ఉంది. తప్పక చూడండి. మనం మిస్ అయిన సినిమా కాదు.

తెలుగు సినిమా ప్రేక్షకులకు ఒక గట్టి దెబ్బ కొట్టే విధంగా, జీవితం, ప్రేమ, బాధ్యత, మరియు నైతికతల మధ్య జరుగే హృదయ విదారక కథను “ఇరవై మూడు” అనే చిత్రం మన ముందుకు తీసుకువచ్చింది. ప్రస్తుతం అమెజాన్ ప్రైమ్ వీడియో లో స్ట్రీమింగ్ అవుతోన్న ఈ సినిమా, ఒక చిన్న గ్రామం చిలకలూరిపేట అనే పల్లెటూరులో ప్రారంభమవుతుంది. అక్కడి యువజంట ప్రేమలో పడతారు. వారి ప్రేమ, సమాజపు ఒడిదుడుకుల మధ్య, పెల్లి కంటే ముందే ఒక పొరపాటు జరుగుతుంది.

ఆమె గర్భవతిగా మారిన తరవాత ఆ యువకుడు తన బాధ్యతను గుర్తుంచుకుంటాడు. ఆమెను పోషించడానికి ప్రయత్నిస్తాడు, కానీ సాధారణ పనులతో వచ్చే ఆదాయం సరిపోదు. ‘ఇంకా ఏదైనా చేయాలి.. పుట్టబోయే బిడ్డకు మంచి జీవితం ఇవ్వాలి.. అన్న ఆశతో తన స్నేహితుడితో కలిసి ఒక చౌర్యానికి (దొంగతనానికి) పాల్పడతాడు.
అయితే ఆ దొంగతనమే 23 మంది ప్రాణాలను బలితీసుకునే ఒక దారుణం అవుతుంది. నిర్ఘాంతపోయిన అతడు యెవట్ జీవ కారాగార శిక్షకి గురవుతాడు. ఒక పుట్టబోయే బిడ్డ, పెళ్లి కాని తల్లి, జైలు ఖైదీ తండ్రి..ఇది ఒక చిన్న కుటుంబం కోసం ఎంతటి విషాదాంతం, కడుపు ముదిరే బాధ, భావోద్వేగాన్ని చూపిస్తుందో ఈ సినిమా అద్భుతంగా చూపిస్తుంది.

తల్లి తన బిడ్డకు మంచి భవిష్యత్తు కోసం పుట్టగానే దత్తత ఇవ్వాల్సి వస్తుంది. కలలతో నిండిన జీవితాలు ఒక్కచోట తప్పు జరగడంతో పూర్తిగా ధ్వంసమైపోతాయి. చివర్లో, ఖైదీ చేసిన తప్పుకు బాధపడుతూ, తన మంచితనాన్ని చూపిస్తాడు. అతడి కారణంగా నష్టపోయిన కుటుంబాలు చివరికి అతన్ని క్షమించి, ఊరి గొట్టానికి కట్టిన బంధం నుండి విడిపించేస్తారు.

కానీ జీవితాంతం ఖైదీగా ఉండిపోయిన అతడి కథ మాత్రం అక్కడే ముగుస్తుంది. అతడు రచించిన “Sagar – A Book For Crime Free Society” అనే పుస్తకాన్ని ప్రభుత్వమే ప్రచురించనివ్వదు. కారణం – ఒక నేరస్థుడి మాటలు సమాజానికి మార్గదర్శనం కావచ్చునన్న భయం!

కథానాయకుడు తన పాత్రలో జీవించాడు. అతని భావ వ్యక్తీకరణలు, లోపలి మనస్సులో ఉండే బాధ, ప్రేమ, శోకం, నైతిక సంకటాలు అన్నీ ఆకట్టుకుంటాయి. హీరోయిన్ పాత్ర కూడా అంతే బలంగా ఉంది. తన జీవితాన్ని, గర్భధారణను, దత్తత నిర్ణయాన్ని తేటతెల్లంగా, ఎంతో సహజంగా పోషించారు. సహాయ పాత్రలు కూడా కథకు బలాన్నిచ్చాయి. ముఖ్యంగా చివర్లో క్షమించేవారు పాత్రలు భావోద్వేగాన్ని నిండుగా చూపించాయి.

దర్శకుడు కథను మెల్లగా, కానీ లోతుగా తీసుకెళ్లారు. ప్రతీ సన్నివేశం ఓ ఎమోషనల్ పంచ్ ఇస్తుంది. చిన్న గ్రామ జీవితాన్ని, అక్కడి సంబంధాలను, సామాజిక ఒత్తిడులను సహజంగా చూపించగలిగారు.

నేపథ్య సంగీతం హృదయాన్ని తాకుతుంది. సినిమాటోగ్రఫీ గ్రామీణ వాతావరణాన్ని అద్భుతంగా ప్రతిబింబించింది. ఎడిటింగ్ కొంత చోట్ల నెమ్మదిగా అనిపించినా, కథా ప్రవాహానికి అనుగుణంగా ఉంది.

మొత్తం మాటలో చెప్పాలంటే.. ‘ఇరవై మూడు’ ఒక సినిమా మాత్రమే కాదు.. అది ఒక జీవిత గాథ, ఒక చిన్న తప్పు ఎంతటి పెద్ద పరిణామాలకు దారితీస్తుందో చెప్పే ఘట్టం. ప్రేమ, బాధ్యత, ఆశ, నైతికత, క్షమ – అన్నింటినీ మిళితం చేసిన ఈ చిత్రం, ప్రతి ఒక్కరూ తప్పకుండా చూడవలసిన చిత్రం. చివరగా ఈ సినిమాకి 3.5 రేటింగ్ ఇవ్వచ్చు.