Skoda Slavia Facelift: ఫీచర్లలో తగ్గేదే లేదు బ్రో.. అప్‌గ్రేడ్ స్కోడా స్లావియా.. ఇప్పుడు కొత్తగా..!

Skoda Slavia Facelift: సెడాన్ సెగ్మెంట్ కార్లకు భారతీయ కస్టమర్లలో ఎప్పుడూ డిమాండ్ ఉంటుంది. ఈ విభాగంలో హ్యుందాయ్ వెర్నా, హోండా సిటీ, మారుతి సుజుకి సియాజ్, స్కోడా స్లావియా వంటి కార్లు బాగా ప్రాచుర్యం పొందాయి. మీరు కూడా భవిష్యత్తులో కొత్త సెడాన్‌ని కొనుగోలు చేయాలనుకుంటున్నట్లయితే ఈ వార్త మీకు ఉపయోగకరంగా ఉంటుంది. నిజానికి.. ప్రముఖ కార్ల తయారీ సంస్థ స్కోడా తన పాపులర్ సెడాన్ స్లావియాలో అప్‌డేటెడ్ వెర్షన్‌ను విడుదల చేయబోతోంది. ఇంటర్నెట్‌లోని సమాచారం ప్రకారం.. కంపెనీ స్కోడా స్లావియా ఫేస్‌లిఫ్ట్‌ను వచ్చే ఏడాది ద్వితీయార్థంలో అంటే 2025లో ప్రారంభించవచ్చు. అప్‌డేట్ చేసిన స్లావియా ఫీచర్లు, ధర తదితర వివరాలను తెలుసుకుందాం.

Skoda Slavia Facelift Design And Features
అప్‌గ్రేడ్ చేసిన స్కోడా స్లావియా మునుపటి కంటే షార్ప్, ఎలిజెంట్ లుక్‌లో కనిపిస్తుంది. ఇది కాకుండా కస్టమర్లు కారు డిజైన్‌లో కూడా పెద్ద మార్పును చూస్తారు. మరోవైపు అప్‌డేట్ చేసిన స్లావియాలో కస్టమర్‌లు 360-డిగ్రీ సరౌండ్ వ్యూ కెమెరా, మెరుగైన కనెక్ట్ చేసిన కార్ టెక్నాలజీ, కొత్త ఇంటీరియర్ ట్రిమ్‌లు, కలర్ ఆప్షన్‌లను కూడా పొందవచ్చు. స్కోడా స్లావియా భారతీయ మార్కెట్లో అత్యధికంగా అమ్ముడైన రెండవ కారు.

Skoda Slavia Facelift Power Train
ఈ కారు పవర్‌ట్రెయిన్ గురించి మాట్లాడినట్లయితే ఇప్పటికే ఉన్న 1.0-లీటర్ టర్బోచార్జ్డ్ పెట్రోల్ ఇంజన్, 1.5-లీటర్ టర్బోచార్జ్డ్ పెట్రోల్ ఇంజన్ అప్‌డేట్ చేసిన స్కోడా స్లావియాలో అలాగే ఉంటాయి. అయితే, కస్టమర్‌లు 1.5-లీటర్ పెట్రోల్ ఇంజన్‌తో కొత్త ఆటోమేటిక్ గేర్‌బాక్స్ ఎంపికను పొందవచ్చు, ఇది కస్టమర్ల డ్రైవింగ్ అనుభవాన్ని మెరుగుపరుస్తుంది. అంటే అప్‌గ్రేడెడ్ స్లావియాలో కస్టమర్‌లు మాన్యువల్,  ఆటోమేటిక్ గేర్‌బాక్స్ రెండింటి ఆప్షన్ చూస్తారు.

కస్టమర్ల సమాచారం కోసం.. కంపెనీ తన ఇండియా 2.0 ప్రోగ్రామ్ కింద మార్చి 2022లో స్కోడా స్లావియాను భారత మార్కెట్లో విడుదల చేసింది. భారత మార్కెట్లో, స్కోడా స్లావియా ఫోక్స్‌వ్యాగన్ వర్టస్‌తో పాటు హోండా సిటీ, హ్యుందాయ్ వెర్నా, మారుతి సుజుకి సియాజ్‌లతో పోటీపడుతోంది.