Maruti Suzuki January 2025 Sales Report: ఏంటి గురు ఇలా కొనేశారు.. మారుతి సేల్స్‌లో రికార్డులే రికార్డులు..!

Maruti Suzuki January 2025 Sales Report: మారుతి సుజుకి గత నెలలో అత్యధికంగా 2,12,251 యూనిట్ల కార్లను విక్రయించింది. జనవరి 2024లో విక్రయించిన 1,99,364 కొత్త వాహనాలతో పోలిస్తే ఈ సంఖ్య గణనీయమైన పెరుగుదలను సూచిస్తుంది. కంపెనీ యుటిలిటీ వాహనాలు, కాంపాక్ట్ కార్ల అమ్మకాలలో సరికొత్త రికార్డులను స‌ృష్టిస్తోంది. అయితే, మినీ సెగ్మెంట్ వాహనాల అమ్మకాలు క్షీణించాయి.

మారుతి వార్షిక ప్రాతిపదికన తన మినీ సెగ్మెంట్ వాహనాల అమ్మకాల్లో 14,247 యూనిట్లు క్షీణించినట్లు వెల్లడించింది. ఆల్టో, ఎస్-ప్రెస్సో వంటి చిన్న వాహనాల అమ్మకాలు జనవరి 2024లో విక్రయించిన 15,849 యూనిట్ల కంటే కొంచెం తక్కువగా ఉన్నాయి. వార్షిక అమ్మకాల విషయానికి వస్తే, గతేడాది విక్రయించిన 1,15,483 యూనిట్లతో పోలిస్తే, కేవలం 1,03,889 యూనిట్లకు తగ్గింది.

బాలెనో, సెలెరియో, డిజైర్ వంటి కాంపాక్ట్ సెగ్మెంట్ వాహనాలు అద్భుతమైన అమ్మకాల గణాంకాలను తాకాయి. వాటి గురించి మాట్లాడితే.. జనవరి 2024లో విక్రయించిన 76,533 యూనిట్ల నుండి గత నెలలో 82,241 యూనిట్లకు పెరిగింది. అదే సమయంలో, 2023-24 ఆర్థిక సంవత్సరంలో విక్రయించిన 6,86,544 యూనిట్లతో పోలిస్తే ఈ ఆర్థిక సంవత్సరం వార్షిక అమ్మకాలు 6,30,889 యూనిట్లకు తగ్గాయి.

మారుతి సియాజ్ డిమాండ్ 2024 జనవరిలో విక్రయించిన 363 యూనిట్ల నుండి గత నెలలో 768 యూనిట్లకు వేగంగా పెరిగింది. మినీ, కాంపాక్ట్ రెండు విభాగాల అమ్మకాల గురించి మాట్లాడినట్లయితే, వీటిలో తగ్గింపు కూడా కనిపించింది. రెండు విభాగాల సంయుక్త విక్రయాలు 92,382 యూనిట్ల నుంచి 96,488 యూనిట్లకు క్షీణించగా, 7,34,778 యూనిట్లకు తగ్గాయి.