Mahindra Scorpio N: బిగ్ డాడ్ ఎస్‌యూవీ.. కొత్తగా మహీంద్రా స్కార్పియో N.. రేటు కాస్త ఎక్కువే..!

Mahindra Scorpio N: మహీంద్రా తన అత్యంత ప్రజాదరణ పొందిన ఎస్‌యూవీ స్కార్పియో N కి ఒక ప్రధాన అప్‌గ్రేడ్ ఇవ్వబోతోంది. కొత్త అప్‌డేట్లు వాహనాన్ని సురక్షితంగా, అధునాతనంగా మార్చడానికి పని చేస్తాయి. స్కార్పియో N ని అప్‌డేట్ చేయడం వల్ల భారతదేశంలో దాని స్థానం మెరుగుపడటమే కాకుండా ఆస్ట్రేలియా వంటి ఎగుమతి మార్కెట్లలో తీవ్రమైన ప్రభావం చూపుతుంది, ఇది స్కార్పియో N విధిని నిర్ణయించవచ్చు. ఈ ఎస్‌యూవీలో కొన్ని ప్రత్యేక,కొత్త ఫీచర్లను చూడబోతున్నాం. వాటి గురించి పూర్తి వివరాలు తెలుసుకుందాం.

మహీంద్రా ఆటో తెరవెనుక అనేక కొత్త వాహనాలను అభివృద్ధి చేయడంలో ఉన్న వాటిని నవీకరించడంలో బిజీగా ఉంది. కంపెనీ ప్రస్తుతం XUV3XO EV, XUV700 ఫేస్‌లిఫ్ట్, XEV 7e , BE Rall-E కొత్త వెర్షన్‌లతో పాటు తదుపరి తరం బొలెరో, థార్ పై కూడా పని చేస్తోంది.

అయితే, ఆ కంపెనీ కొన్ని సంవత్సరాల క్రితం ప్రారంభించిన ‘బిగ్ డాడీ’ని మరచిపోలేదు. ఇటీవల నివేదిక ప్రకారం, మహీంద్రా స్కార్పియో N ని కొత్త ఫీచర్లు, భద్రతా లక్షణాలతో అప్‌డేట్ చేస్తోంది. డిజైన్‌లో ఎటువంటి మార్పు ఉండే అవకాశం లేదు. ఈ అదనపు లక్షణాలు కొత్త ట్రిమ్ లెవెల్‌లతో రావచ్చు.

ఈ కొత్త ఫీచర్లతో, ఈ సంవత్సరం పండుగ సీజన్‌లో స్కార్పియో N ని విడుదల చేయడానికి కంపెనీ సన్నాహాలు చేస్తోంది. ఈ ఎస్‌యూవీ లెవల్-2 అడాస్, ఆటో ఎమర్జెన్సీ బ్రేకింగ్ కలిగి ఉంటుందని భావిస్తున్నారు. ADAS లక్షణాలలో అడాప్టివ్ క్రూయిజ్ కంట్రోల్, లేన్ కీప్ అసిస్ట్, హై బీమ్ అసిస్ట్, లేన్ డిపార్చర్ వార్నింగ్, ఇతర భద్రతా పాయింట్లు ఉన్నాయి.

స్కార్పియో N కి పనోరమిక్ సన్‌రూఫ్ కూడా జోడించారు. ఈ కారులో వెనుక వెంటిలేటెడ్ సీట్లు కూడా అందుబాటులో ఉండవచ్చని భావిస్తున్నారు. దీనితో పాటు, 10.2-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ కూడా ఇందులో అందుబాటులో ఉంటుందని చెబుతున్నారు. ఇది 4WD సిస్టమ్‌‌తో ఉన్న 2.0L పెట్రోల్, 2.2L డీజిల్ ఇంజన్ ఎంపికలతో కొనసాగుతుంది. కొత్త ఫీచర్లతో, స్కార్పియో N ధర పెరిగే అవకాశం ఉంది.