Best Sedan Cars: ముద్దొచ్చే కార్లు.. మార్కెట్లో బెస్ట్ సెడాన్లు.. ఫీచర్లు తగ్గేదే లే..!

Best Sedan Cars: లగ్జరీ ఫీచర్లు, ప్రీమియం కంఫర్ట్  కోరుకొనే కస్టమర్లు ఇప్పటికీ సెడాన్ల వైపు మొగ్గు చూపుతున్నారు. ఈ వాహనాలు తక్కువ గ్రౌండ్ క్లియరెన్స్ కలిగి ఉంటాయి. అయితే ఇవి ఎస్‌యూవీలతో పోలిస్తే చాలా సౌకర్యవంతమైన సీట్లను అందిస్తాయి. అందుకే కార్ల తయారీ కంపెనీలు ఎక్కువగా సెడాన్‌లను మార్కెట్లోకి తీసుకొస్తున్నాయి. ఈ నేపథ్యంలో మీరు కూడా సరికొత్త సెడాన్‌ను రూ.10 లక్షల కంటే తక్కువ ధరకి కొనాలని ప్లాస్ చేస్తుంటే అటువంటి రెండు కార్లు ఉన్నాయి. వాటి గురించి వివరంగా తెలుసుకుందాం.

2025 Maruti Suzuki Dzire
కొత్త డిజైర్ మారుతికి విప్లవాత్మక కారుగా నిరూపించింది. కంపెనీ ఎల్లప్పుడూ భద్రతకు సంబంధించిన విమర్శలను ఎదుర్కొంటుంది, కానీ ఇప్పుడు అది అలా కాదు. కొత్త డిజైర్ అన్ని స్టాండర్డ్ ఫీచర్లను పొందింది. గ్లోబల్ NCAP క్రాష్ టెస్ట్‌లో 5-స్టార్ సేఫ్టీ రేటింగ్‌ను కూడా సాధించింది.

కొత్త డిజైర్ ప్రారంభ ఎక్స్-షోరూమ్ ధర రూ. 6.79 లక్షలు. ఇది టాప్ వేరియంట్ కోసం రూ. 10.14 లక్షలకు చేరుకుంటుంది. ఇది కొత్త Z-సిరీస్ 1.2-లీటర్, 3-సిలిండర్ పెట్రోల్ ఇంజన్‌ను కలిగి ఉంది, ఇది 80.46 బిహెచ్‌పి పవర్, 111.7 ఎన్ఎమ్ పీక్ టార్క్‌ను రిలీజ్ చేస్తుంది. న్యూ డిజైర్ 360 డిగ్రీ కెమెరా, సన్‌రూఫ్ వంటి ఆధునిక ఫీచర్లతో పాటు స్టాండర్డ్ 6 ఎయిర్‌బ్యాగ్‌లను పొందుతుంది.

Honda Amaze
హోండా కార్స్ ఇండియా ఇటీవలే దేశంలోనే అత్యంత చౌకైన ADAS కారుగా అప్‌డేట్ చేసి అమేజ్‌ను విడుదల చేసింది. దీని ప్రారంభ ఎక్స్-షోరూమ్ ధర రూ.7.99 లక్షలు. అదే సమయంలో CVTతో దాని టాప్ స్పెక్ వేరియంట్ రూ. 10.90 లక్షల ఎక్స్-షోరూమ్ ధర వద్ద అందుబాటులో ఉంటుంది. అందులో ఎలాంటి మెకానికల్ మార్పు లేదు.

అప్‌గ్రేడ్ చేసిన ఫీచర్లు, భద్రతతో కొత్త అమేజ్‌లో కాస్మోటిక్ మార్పులు చేసింది. ఇది డిజిటల్ ఇన్‌స్ట్రుమెంట్ క్లస్టర్, 6-స్పీకర్ సౌండ్ సిస్టమ్, వెనుక AC వెంట్‌లు, వైర్‌లెస్ ఛార్జర్, ఆపిల్ కార్ ప్లే, ఆండ్రాయిడ్ ఆటో కనెక్టివిటీతో పాటు 6 ఎయిర్‌బ్యాగ్‌లు, ABSతో EBD, సెన్సార్ ఆధారిత ADASలతో 10.25-అంగుళాల ఫ్రీ-స్టాండింగ్ ఇన్ఫోటైన్‌మెంట్ సిస్టమ్‌ను పొందుతుంది.

కొత్త డిజైర్ ఒక కిలో సిఎన్‌జిలో 33.73 కిలోమీటర్ల దూరం ప్రయాణించగలదు. అదే సమయంలో MT తో ఇది ఒక లీటర్ పెట్రోల్‌లో 24.97 కిలోమీటర్ల దూరాన్ని కవర్ చేయగలదు. హోండా అమేజ్ క్లెయిమ్ చేసిన ఇంధన సామర్థ్యం CVT ట్రాన్స్‌మిషన్ కోసం 19.46 కెఎమ్‌పిహెచ్, ఎమ్‌టీకి 18.65 కెఎమ్‌పిహెచ్.