Odisha Train Accident : భారతీయ రైల్వే చరిత్రలోనే అత్యంత విషాదకర ఘటనగా ఒడిశాలో జరిగిన రైలు ప్రమాదం నిలిచింది. ఈ విషాదకర ఘటన (Odisha Train Accident) దేశ వ్యాప్తంగా ప్రజలను తీవ్రంగా కలచివేసింది. తాజాగా అందుతున్న సమాచారం మేరకు ఈ ప్రమాదంలో మృతి చెందిన వారి సంఖ్య 237 కు చేరగా.. 900 మంది వరకు తీవ్రంగా గాయపడ్డారని తెలుస్తుంది. ప్రమాదం రాత్రివేళ జరగడంతో సహాయక చర్యలకు ఆటంకం ఏర్పడింది. అయినా కానీ ఎన్‌డీఆర్ఎఫ్, ఎస్డీఆర్ఎఫ్, అగ్నిమాపక శాఖ సహా రైల్వే సిబ్బంది తీవ్రంగా శ్రమిస్తూ సహాయక చర్యల్లో పాల్గొంటున్నారు. మృతుల సంఖ్య ఇంకా పెరిగే అవకాశం ఉంది. కాగా ఈ మేరకు ఈ ఘోర రైలు ప్రమాద ఘటనపై కేంద్రం తీవ్ర విచారం వ్యక్తం చేసింది. మృతుల కుటుంబాలకు ఎక్స్ గ్రేషియా ప్రకటించింది.
ఇక, కోరమాండల్ ఎక్స్‌ప్రెస్ రైలులో దాదాపు 70 మంది వరకూ ఏపీ ప్రయాణికులు ఉన్నట్టు తెలుస్తోంది. వీరంతా హౌరా, బాలేశ్వర్ వంటి స్టేషన్‌లో ఈ రైలును ఎక్కినట్టు సమాచారం. వీరంతా ఏపీలోని విజయనగరం, విశాఖ, రాజమండ్రి స్టేషన్లలో దిగాల్సి ఉంది. మరోవైపు, రైలు ప్రమాదానికి సంబంధించిన వివరాలు అందించేందుకు ఒడిశా, పశ్చిమ్ బెంగాల్‌ ప్రభుత్వాలు, రైల్వే శాఖ హెల్ప్లైన్ నంబర్లను ఏర్పాటుచేశాయి. ఈ రైళ్లలో తెలుగువారు ఎవరైనా ఉంటే వారి ఆచూకీ కోసం విశాఖపట్నం, విజయనగరం స్టేషన్లలో సంప్రదించేందుకు అధికారులు హెల్ప్లైన్ నంబర్లను ప్రకటించారు.
విశాఖపట్నం
0891-2746330, 0891-2744619
విజయవాడ
Rly – 67055
BSNL – 0866 2576924
0866-2576924
రాజమండ్రి
0883 2420541
65395
సికింద్రాబాద్: 040 – 27788516
రాజమండ్రి : 0883-2420541
సామర్లకోట : 7780741268
ఏలూరు : 08812-232267
తాడేపల్లిగూడెం : 08818-226212
బాపట్ల : 08643-222178
తెనాలి : 08644-227
విజయనగరం
0892-2221202, 0892-2221206
శ్రీకాకుళం
0894-2286213, 0894-2286245
ఒడిశా హెల్ప్లైన్ నంబర్‌
06782262286
రైల్వే శాఖ హెల్ప్లైన్ నంబర్లు
హౌరా 033-26382217
ఖరగ్‌పూర్‌ 8972073925
బాలాసోర్‌ 8249591559
చెన్నై 044-25330952
పశ్చిమబెంగాల్‌ హెల్ప్లైన్ నంబర్లు
033-22143526, 033-22535185
తెలుగు రాష్ట్రాల సీఎంల స్పందన..
ఈ రైలు ప్రమాదంపై ముఖ్యమంత్రి జగన్‌ తీవ్ర దిగ్భ్రాంతి వ్యక్తం చేశారు. ఈ ఘటనపై విచారం వ్యక్తం చేసిన జగన్‌ మృతుల కుటుంబాలకు తన ప్రగాఢ సానుభూతి తెలిపారు. గాయపడ్డవారు త్వరగా కోలుకోవాలని ఆకాంక్షించారు. మృతులు, క్షతగాత్రుల్లో రాష్ట్రానికి చెందిన వ్యక్తులు ఉన్నారా? లేదా? అన్నదానిపై దృష్టి పెట్టాలని సీఎం అధికారులను ఆదేశించారు. రైల్వే అధికారులతో నిరంతరం టచ్‌లో ఉన్నామని అధికారులు సీఎంకు తెలిపారు. ఎలాంటి సహాయం కావాలన్నా అందించడానికి సిద్ధంగా ఉండాలని సీఎం అధికారులను వెల్లడించారు.