Former CM Jagan’s Letter: ఏపీ అసెంబ్లీ స్పీకర్ అయ్యన్నపాత్రుడుకు మాజీసీఎం జగన్ లేఖ రాశారు. మంత్రుల తర్వాత తనతో ప్రమాణం చేయించడం.. సంప్రాదాయాలకు విరుద్ధం అని లేఖలో జగన్ పేర్కొన్నారు. ప్రతిపక్ష నేత హోదా ఇవ్వకూడదని.. ముందే నిర్ణయించినట్లు ఉన్నారని ఆయన అభిప్రాయపడ్డారు.
10 సీట్ల నిబంధన లేదు..( Former CM Jagan’s Letter)
ప్రతిపక్ష హోదాకు 10 శాతం సీట్లు ఉండాలని ఎక్కడా లేదన్నారు గుర్తుచేశారు. విపక్షంలో ఎక్కువ సీట్లు ఉన్నవారికే ప్రతిపక్ష హోదా అన్నారు. కూటమి, స్పీకర్ తనపై శత్రుత్వం ప్రదర్శిస్తున్నారని జగన్ మండిపడ్డారు. అసెంబ్లీలో గొంతు విప్పే పరిస్థితులు కనిపించడం లేదన్నారు. ప్రతిపక్ష హోదాతోనే సమస్యలు వినిపించే అవకాశం ఉందన్నారు. ఈ అంశాలను స్పీకర్ దృష్టిలో పెట్టుకోవాలని సూచించారు.మొదట సభా నాయకుడు, తరువాత ప్రతిపక్ష నాయకుడు, ఆపై మంత్రివర్గంలోని మంత్రులు మరియు ఇతర ఎమ్మెల్యేలు ప్రమాణం చేసి ఉండాలి. కానీ మంత్రుల తర్వాతే ప్రమాణ స్వీకారం చేయమని నన్ను పిలిచారు. నాకు ప్రతిపక్ష నాయకుడి హోదా ఇవ్వకూడదని ఇప్పటికే ఒక నిర్ణయం తీసుకున్నారనే అభిప్రాయం నాకు కలిగిస్తోందని జగన్ అన్నారు. ఆంధ్రప్రదేశ్ జీతాలు మరియు పెన్షన్ చెల్లింపు మరియు అనర్హత తొలగింపు చట్టం, 1953లోని సెక్షన్ 12-బి ప్రకారం, టిడిపి-జెఎస్‌పి-బిజెపితో కూడిన అధికార కూటమికి వైఎస్‌ఆర్‌సిపి ఏకైక ప్రతిపక్ష పార్టీ అని ఆయన అన్నారు. –