Nara Lokesh : అమరావతి ఇన్నర్ రింగ్ రోడ్డు కేసులో ఏ14గా నారా లోకేష్‌ – ఏపీ సీఐడీ

అమరావతి ఇన్నర్ రింగ్ రోడ్డు అసలు డిజైన్‌ను.. అప్పటి ముఖ్యమంత్రి చంద్రబాబు నాయుడు కావాలనే మార్పులు చేసి టీడీపీ నేతల ఆధీనంలో ఉన్న భూముల వైపు మళ్లించారని ఆరోపిస్తున్నారు. తద్వారా వారి భూముల విలువను పెంచేందుకు కృషి చేశారని.. జగన్ సర్కారు ఆరోపిస్తుంది. ఇందుకు సంబంధించి ఐపీసీ, అవినీతి నిరోధక చట్టంలోని పలు సెక్షన్ల కింద గతేడాది ఏప్రిల్‌లో సీఐడీ కేసు నమోదు చేసింది. ఈ కేసులో చంద్రబాబు, మాజీ మంత్రి పొంగూరు నారాయణ,  నారా లోకేష్, లింగమనేని రమేష్, లింగమనేని వెంకట సూర్య రాజశేఖర్, ఆర్‌కె హౌసింగ్ లిమిటెడ్‌కి చెందిన కేపీవీ అంజనీ కుమార్, రామ కృష్ణ హౌసింగ్ ప్రై. లిమిటెడ్, హెరిటేజ్ ఫుడ్స్ ప్రై. లిమిటెడ్‌లతో పాటు పలువురి పేర్లను ఎఫ్‌ఐఆర్‌లో పేర్కొన్నారు.