Israeli Airstrikes: ఇజ్రాయెల్ వైమానిక దాడుల్లో 195 మంది పాలస్తీనియన్ల మృతి.

Israeli Airstrikes:ఉత్తర గాజా స్ట్రిప్‌లోని జబాలియా శరణార్థి శిబిరంపై మంగళ, బుధవారాల్లో రెండు రౌండ్ల ఇజ్రాయెల్ దాడుల్లో సుమారుగా 195 మంది పాలస్తీనియన్లు మరణించారని హమాస్ ఆధ్వర్యంలోని ప్రభుత్వ మీడియా కార్యాలయం పేర్కొంది.

ఇజ్రాయెల్ దాడులను ఖండించిన దేశాలు..(Israeli Airstrikes)

అంతకుముందు, జబాలియా శరణార్థి శిబిరంపై ఇజ్రాయెల్ వైమానిక దాడులు చేయడంతో డజన్ల కొద్దీ మరణించినట్లు గాజా హమాస్ ఆధ్వర్యంలోని అంతర్గత మంత్రిత్వ శాఖ మంగళవారం తెలిపింది. శిథిలాల కింద పలువురు చిక్కుకున్నట్లు భావిస్తున్నారు.ఈ దాడులల్లో పలు భవనాలు నేలకూలాయని నివాసితులు తెలిపారు.దాడులను ఈజిప్ట్, జోర్డాన్, సౌదీ అరేబియా మరియు ఖతార్ ఖండించాయి. ఈజిప్టు విదేశాంగ మంత్రిత్వ శాఖ వైమానిక దాడులను అమానవీయమైనది మరియు అంతర్జాతీయ చట్టాలను నిర్మొహమాటంగా ఉల్లంఘించిందని అభివర్ణించింది. ఆసుపత్రులలో మరియు చుట్టుపక్కల పౌరులపై విచక్షణారహితంగా దాడులగురించి హెచ్చరించింది.సౌదీ అరేబియా ఇజ్రాయెల్ ఆక్రమణ దళాలు పౌరులతో రద్దీగా ఉండే ప్రాంతాలను పదే పదే లక్ష్యంగా పెట్టుకోవడాన్ని పూర్తిగా తిరస్కరిస్తున్నట్లు ప్రకటించింది.

ఇజ్రాయెల్ డిఫెన్స్ ఫోర్సెస్ ( ఐడిఎఫ్) గాజాపై వైమానిక దాడిలో హమాస్ యొక్క యాంటీ-ట్యాంక్ క్షిపణి శ్రేణి కమాండర్ ముహమ్మద్ అసార్‌ను చంపినట్లు పేర్కొంది. అతను గాజా స్ట్రిప్ అంతటా హమాస్ యొక్క ట్యాంక్ వ్యతిరేక క్షిపణి యూనిట్లన్నింటికీ బాధ్యత వహిస్తాడు, సాధారణ సమయాల్లో యూనిట్లకు నాయకత్వం వహించి అత్యవసర పరిస్థితుల్లో వారి కార్యకలాపాలకు సహాయం చేశాడని మిలిటరీ పేర్కొంది.అక్టోబరు 7న ఇజ్రాయెల్‌పై జరిగిన క్రూరమైన ఆకస్మిక దాడికి దర్శకత్వం వహించిన హమాస్ అగ్ర కమాండర్ ఇబ్రహీం బియారీని హతమార్చినట్లు గతంలో ఐడిఎఫ్ పేర్కొంది.

ఇలాఉండగా బొలీవియా ప్రభుత్వం మంగళవారం ఇజ్రాయెల్‌తో దౌత్య సంబంధాలను తెంచుకుంది. గాజాలో ఇజ్రాయెల్ మానవత్వాన్ని మరిచి దాడులు చేస్తోందని ఆరోపించింది. చిలీ మరియు కొలంబియా హమాస్ ఉగ్రవాదులపై ఇజ్రాయెల్ సైనిక దాడిని నిరసిస్తూ ఇజ్రాయెల్‌లోని తమ రాయబారులను వెనక్కి పిలిచాయి.