Shah Rukh Khan : షారుఖ్ ఖాన్ ఎవరు? అతని గురించి మనం ఎందుకు వర్రీ అవ్వాలి? అసోం సీఎం హిమంత బిశ్వశర్మ

anantharao b

2 years ago

Shah Rukh Khan : షారుఖ్ ఖాన్ ఎవరు? అతని గురించి మనం ఎందుకు చింతించాలి, ఇక్కడ చాలా మంది షారుఖ్ ఖాన్‌లు ఉన్నారు.

‘డాక్టర్ బెజ్బరువా’ (రాబోయే అస్సామీ చిత్రం) విడుదల అవుతుంది, దాని గురించి మనం కూడా ఆందోళన చెందుతాము .

సినిమా తీసిన వారు కూడా ఏమీ అనలేదు. నేను అందరి ఫోన్ కాల్స్ తీసుకుంటాను. మనం ఎందుకు చింతించాలి?

షారూఖ్ ఖాన్‌కి ఏదైనా సమస్య ఉంటే ఉండని. షారుఖ్ ఖాన్ ఫోన్ చేస్తే, సమస్య ఏమిటో నేను చూస్తాను అంటూ అసో సీఎం హిమంత బిశ్వశర్మ వ్యాఖ్యానించారు.

గౌహతిలోని గోల్డ్ డిజిటల్ సినిమా హాల్ ముందు బజరంగ్ దళ్ సభ్యులు గుమిగూడి పఠాన్ పోస్టర్‌లను ధ్వంసం చేయడం మరియు తగలబెట్టడం మరియు “జై శ్రీ రామ్” అని నినాదాలు చేయడం పై శర్మ శుక్రవారం పై విధంగా స్పందించారు.

షారూఖ్ ఖాన్ , దీపికా పదుకొణె జంటగా నటించిన పఠాన్ జనవరి 25న విడుదల కానున్న విషయం తెలిసిందే.

ఎవరైనా పోలీస్ స్టేషన్‌లో కేసు నమోదు చేస్తే, మేము వెంటనే చర్య తీసుకుంటాము. ఈ పఠాన్-వథాన్ అంటే ఏమిటో నాకు తెలియదు.

నేను దాని గురించి వినలేదు, చూడలేదు. నాకు దీని కోసం సమయం లేదని అన్నారు.

షారూఖ్ ఖాన్ పై మాట మార్చిన సీఎం

అయితే షారూఖ్ ఖాన్ ఎవరన్న సీఎం శర్మ ఆదివారం మరలా మాటమార్చారు. ఉదయం 2 గంటలకు బాలీవుడ్ మెగాస్టార్ షారుక్ ఖాన్ కాల్‌ను అందుకున్నట్లు ట్వీట్ చేసారు.

శర్మ తన ట్వీట్‌లో శ్రీ షారూఖ్ ఖాన్ తనను పిలిచి, “తన సినిమా ప్రదర్శన సమయంలో గౌహతిలో జరిగిన సంఘటన గురించి ఆందోళన వ్యక్తం చేశారు.

శాంతిభద్రతలను కాపాడటం రాష్ట్ర ప్రభుత్వ కర్తవ్యమని తాను నటుడికి హామీ ఇచ్చానని ఆయన చెప్పారు.

మేము విచారిస్తాము మరియు అలాంటి అవాంఛనీయ సంఘటనలు జరగకుండా చూస్తామని అన్నారు.

అయితే శర్మ రెండురకాలుగా మాట్లాడటంపై ప్రతిపక్షాలు ఆయనను ఎద్దేవా చేసాయి.

ఆదివారం శర్మ చేసిన ట్వీట్‌పై కాంగ్రెస్ నాయకుడు పవన్ ఖేరా స్పందిస్తూ ప్రభుత్వాన్ని ఏర్పాటు చేయడానికి ‘సంఘీ’ (ఆర్‌ఎస్‌ఎస్‌ను ఉద్దేశించి) మారిన వ్యక్తులు కూడా ప్రభుత్వాన్ని నడపడానికి కాంగ్రెస్‌గా మారాలని ట్వీట్ చేసారు.

ఎవరు షారూఖ్ ఖాన్ నుంచి శ్రీ షారూఖ్ ఖాన్( Shah Rukh Khan )

ఆమ్ ఆద్మీ పార్టీ రాజ్యసభ ఎంపీ సంజయ్ సింగ్ శర్మ జీ, మీరు ‘షారుఖ్ ఖాన్ ఎవరు?’ అని అంటున్నారా? మీరు తెల్లవారుజామున 2 గంటలకు మీకు తెలియని వారి కాల్‌ని తీయండి.

మీరు ప్రతిదీ చూసుకుంటానని అతనికి హామీ ఇవ్వండి అంటూ ట్వీట్ చేసారు.

ఢిల్లీలోని ఉత్తమ్ నగర్ నియోజకవర్గానికి చెందిన ఆప్ ఎమ్మెల్యే నరేష్ బల్యాన్ కూడా అస్సాం సీఎంపై విరుచుకుపడ్డారు.

నిన్నటి వరకు, సార్ ‘ఈ షారుక్ ఖాన్ ఎవరు?’ అని ఇప్పుడు డప్పులు కొడుతూ, నిన్న రాత్రి 2 గంటలకు ఖాన్ తనకు ఫోన్ చేశారని అందరికీ చెబుతూ తిరుగుతున్నాడని ఎద్దేవా చేసారు. ఆ

ప్ జాతీయ కార్యవర్గ సభ్యురాలు షాలినీ సింగ్, కేవలం 24 గంటల్లోనే ‘ఎవరు SRK’ నుండి ‘Sri SRK’ ది పవర్ ఆఫ్ కింగ్ ఖాన్ అంటూ ట్వీట్ చేసారు.

అస్సాం సీఎం తర్వాత ట్వీట్ చేస్తూ, “‘శ్రీ’ నా పదవి గౌరవాన్ని ప్రతిబింబిస్తుంది. నేను ఎవరికీ ఫోన్ చేయలేదు కానీ నాకు ఫోన్ చేసింది ఆ నటుడే.

చట్టం & ఆర్డర్‌పై నా హామీ నా రాజ్యాంగ విధిని మాత్రమే ప్రతిబింబిస్తుంది. ఇందులోతవ్వడానికి ఏమీ లేదని అన్నారు.