Bharat Jodo Yatra: “కాంగ్రెస్ సోమవారం తమ సోషల్ మీడియా హ్యాండిల్‌లో ఖాకీ షార్ట్‌లను తగులబెట్టిన చిత్రాన్ని పోస్ట్ చేయడంతో రాజకీయ వివాదం చెలరేగింది. పోస్ట్ చేసిన చిత్రంలో, ఆర్ఎస్ఎస్ నిక్కర్ కాలుతూ దాని నుండి పొగ కూడా పైకి లేస్తోంది. కాంగ్రెస్ పార్టీ ట్విట్టర్‌లో “దేశాన్ని ద్వేషపూరిత సంకెళ్ల నుండి విముక్తి చేయడానికి మరియు బిజెపి-ఆర్ఎస్ఎస్ చేసిన నష్టాన్ని రద్దు చేయడానికి. దశలవారీగా, మేము మా లక్ష్యాన్ని చేరుకుంటాము. #BharatJodoYatra” అనే క్యాప్షన్‌తోషేర్ చేసింది.
ఈ ట్వీట్‌ పై బీజేపీకి చెందిన సంబిత్ పాత్ర స్పందిస్తూ, “ఇది ‘భారత్ జోడో యాత్ర’ కాదు, ‘భారత్ తోడో’ మరియు ‘ఆగ్ లగావో యాత్ర’. కాంగ్రెస్ పార్టీ ఇలా చేయడం ఇదే మొదటిసారి కాదు” అని అన్నారు. మీకు ఈ దేశంలో హింస కావాలా అని నేను రాహుల్ గాంధీని అడగాలనుకుంటున్నాను. కాంగ్రెస్ వెంటనే ఈ చిత్రాన్ని తొలగించాలి.
ఇదిలా వుండగా, ప్రతిపక్షాల ఐక్యతకు బలమైన కాంగ్రెస్ మూల స్తంభమని, ఆ పార్టీ బలహీనపడేందుకు వీలు లేదని దాని మిత్రపక్షాలు అర్థం చేసుకోవాలని సీనియర్ నేత జైరాం రమేష్ సోమవారం అన్నారు. ఏఐసీసీ ప్రధాన కార్యాలయంలో విలేకరుల సమావేశంలో ఆయన మాట్లాడుతూ ‘భారత్ జోడో యాత్ర’ పార్టీ సంస్థలో కొత్త శక్తిని నింపిందని, ప్రజల్లో లభిస్తున్న స్పందన చూసి బీజేపీ ఉలిక్కిపడిందని అన్నారు. ప్రతిపక్షాల ఐక్యతకు కీలకమైన కాంగ్రెస్‌ను బలోపేతం చేయడమే లక్ష్యంగా ఈ యాత్ర నిర్వహిస్తున్నట్లు రమేష్ తెలిపారు.
To free the country from shackles of hate and undo the damage done by BJP-RSS.
Step by step, we will reach our goal.#BharatJodoYatra 🇮🇳 pic.twitter.com/MuoDZuCHJ2
— Congress (@INCIndia) September 12, 2022