RRR Behind and Beyond Documentary: మ్యాన్‌ ఆఫ్‌ మాసెస్‌ జూనియర్‌ ఎన్టీఆర్, గ్లోబల్‌ స్టార్‌ రామ్‌ చరణ్‌ మల్టిస్టారర్‌గా దర్శక ధీరుడు ఎస్‌ఎస్‌ రాజమౌళి దర్శకత్వంలో తెరకెక్కిన సినిమా ‘ఆర్ఆర్ఆర్’. 2022లో విడుదలైన ఈ చిత్రం ఎంతటి బ్లాక్‌బస్టర్‌ హిట్‌ అయ్యిందో ప్రత్యేకంగా చెప్పనవసరం లేదు. భారీ బడ్జెట్‌తో డీవీవీ ఎంటర్‌టైన్‌మెంట్‌ పతాకంపై డీవీవీ దానయ్య నిర్మించిన ఈ సినిమాలో అలియాభట్‌, ఓలివియా మోరిస్‌, శ్రియ, అజయ్‌ దేవ్‌గణ్‌, అలీసన్‌ డూడీ తదితరులు కీలకపాత్రలు పోషించారు.
పీరియాడిక్‌ యాక్షన్‌ డ్రామాగా వచ్చి భారీ హిట్‌ కొట్టిన ఈ మూవీ బాక్సాఫీస్‌ వద్ద రూ.1300 కోట్లకు పైగా వసూళ్లు రాబట్టి రికార్డ్‌ క్రియేట్‌ చేసింది. అలాగే తెలుగు సినీ పరిశ్రమ చిరకాల కోరికగా ఉన్న ఆస్కార్‌ని అందించింది ఈ చిత్రం. అంతేకాదు టాలీవుడ్‌ కీర్తిని ఇంటర్నేషనల్‌ స్టాయికి తీసుకువెళ్లింది. వెండితెరపై మూడు గంటల పాటు చూసి ఎంజాయ్‌ చేసిన ఈ సినిమాను ఇప్పుడు తెరవెనక విశేషాలతో మరోసారి ప్రేక్షకుల ముందువచ్చింది. ఆర్‌ఆర్‌ఆర్‌పై డాక్యుమెంటరీ తీసుకువచ్చిన సంగతి తెలిసిందే. ‘ఆర్ఆర్ఆర్ బిహైండ్‌ అండ్ బియాండ్‌’ పేరుతో ఈ డాక్యుమెంటరీ డిసెంబర్‌ 20 డిసెంబర్‌లో విడుదలైంది.
ఇందులో ఆర్ఆర్ఆర్ మూవీ షూటింగ్‌ మొదలైనప్పటి నుంచి షూటింగ్‌ పూర్తయి ఆస్కార్‌ అందుకునేవ వరకు గల విశేషాలను ఈ డాక్యుమెంటరీలో పంచుకున్నారు. ఇందులో లీడ్‌ రోల్స్‌తో సహా కీలక పాత్రలో కనిపించిన నటీనటుల ఆర్ఆర్ఆర్ మూవీ షూటింగ్‌ టైంలో తమకు ఎదురైన అనుభవాలు, అనుభూతులకు సంబంధించిన ఆసక్తికర విశేషాలను చెప్పారు. అలాగే దర్శకుడు రాజమౌళి చిత్రావిశేషాలను వివరించారు. ఇక ఆస్కార్‌ గెలిచిన మ్యూజిక్‌ డైరెక్టర్‌ కిరవాణి, రచయిత చంద్రబోస్‌లతో ఇందులో నటించిన హాలీవుడ్‌ నటీనటులు కూడా ఈ డాక్యుమెంటరీలో కనిపించారు.
డిసెంబర్‌ 20న థియేటర్లో విడుదలైన ఈ డాక్యుమెంటరీ తాజాగా ఓటీటీకి వచ్చేసింది. ప్రస్తుతం నెట్‌ఫ్లిక్స్‌లో స్ట్రీమింగ్‌ అవుతున్న ఈ డాక్యుమెంటరీ అభిమానుల నుంచి విశేష స్పందన వస్తుంది. వెండితెరపై సినిమా చూసి ఎంజాయ్‌ చేశామని, ఈ అద్భుతాన్ని తెరకెక్కించేందుకు మీ పడ్డ కష్టాన్ని డాక్యుమెంటరీ చూపించినందుకు జక్కన్నకు ధన్యవాదాలు తెలుపుతూ సోషల్‌ మీడియాలో పోస్ట్స్‌ పెడుతున్నారు. ప్రస్తుతం ఈ డాక్యుమెంటరీకి నెట్‌ఫ్లిక్స్‌లో మంచి స్పందన వస్తుంది. మరి ఇంకేందుకు ఆలస్యం ఈ వీకెండ్‌కి మీరు కూడా ఆర్ఆర్ఆర్: బిహైండ్‌ అండ్ బియాండ్‌ డాక్యుమెంటరీ చూసి ఎంజాయ్‌ చేయండి.