NCERT: NCERT పుస్తకాలలో ఆర్ఎస్ఎస్ ,మహాత్మా గాంధీ, గాడ్సేకి సంబంధించిన భాగాలు తొలగింపు

NCERT:నేషనల్ కౌన్సిల్ ఆఫ్ ఎడ్యుకేషనల్ రీసెర్చ్ అండ్ ట్రైనింగ్ (NCERT)12వ తరగతి పొలిటికల్ సైన్స్ మరియు హిస్టరీ పాఠ్యపుస్తకాల నుండి మహాత్మా గాంధీ హిందూ అతివాదులకు ఇష్టం లేదు మరియు రాష్ట్రీయ స్వయం సేవక్ సంఘ్ (RSS) నిషేధం వంటి టాపిక్స్ ను తొలగించింది.

మహాత్మాగాంధీ పై హిందూ అతివాదుల కోపం..(NCERT)

12వ తరగతి పొలిటికల్ సైన్స్ పాఠ్యపుస్తకాన్ని స్వాతంత్య్రం నుండి భారతదేశంలో రాజకీయాలు అనే శీర్షికతో దాని పాత వెర్షన్‌తో పోల్చి చూస్తే, గాంధీ యొక్క హిందూ-ముస్లిం ఐక్యత యొక్క దృఢమైన అన్వేషణ హిందూ తీవ్రవాదులను ఎంతగా రెచ్చగొట్టిందో, వారు గాంధీజీని హత్య చేయడానికి అనేక ప్రయత్నాలు చేశారనే దాని గురించి ప్రస్తావించబడింది. మొదటి అధ్యాయంలోని మహాత్మా గాంధీ త్యాగం అనే ఉప అంశం నుండి కూడా తొలగించబడింది.

గాడ్సే కు సంబంధించి సవరణ ..

2వ తరగతి చరిత్ర పాఠ్య పుస్తకంలో ఇండియన్ హిస్టరీలో థీమ్స్-3 అనే శీర్షికతో మహాత్మా గాంధీ అండ్ ది నేషనలిస్ట్ మూవ్‌మెంట్ అధ్యాయంలో ఒక పేరా సవరించబడింది.
సవరించిన పేరా ఇలా ఉంది, జనవరి 30 సాయంత్రం తన రోజువారీ ప్రార్థన సమావేశంలో గాంధీజీని ఒక యువకుడు కాల్చి చంపాడు. ఆ తర్వాత లొంగిపోయిన హంతకుడు నాథూరామ్ గాడ్సే.అంతకుముందు గాంధీజీని ఒక యువకుడు కాల్చి చంపాడు. ఆ తర్వాత లొంగిపోయిన హంతకుడు పూణేకు చెందిన నాథూరామ్ గాడ్సే అనే బ్రాహ్మణుడు, ఒక అతివాద హిందూ వార్తాపత్రిక సంపాదకుడు, గాంధీజీని ముస్లింలను మభ్యపెట్టేవాడు అని నిందించాడంటూ ఉంది.

మనం రెండు వైపులా వినాలి..

ఇలా ఉండగాNCERT పుస్తకాలలో పైన పేర్కొన్న సవరణలు తొలగింపులపై మజ్లిస్ అధినేత అసదుద్దీన్ ఒవైసీ స్పందించారు. నిజం ఏమిటంటే, గాడ్సే సంఘ్‌కు చెందినవాడు మరియు సావర్కర్‌కు సన్నిహిత “స్నేహితుడు”. RSS నిషేధించబడింది.గాంధీ హత్యలో సావర్కర్ ప్రమేయం ఉంది. పుస్తకాలు గాడ్సేను సమర్థించే రోజు చాలా దూరంలో లేదు మరియు ‘మనం రెండు వైపులా వినాలి’ అని ఒవైసీ ట్వీట్‌లో పేర్కొన్నారు. “ఎవరికి తెలుసు, ‘నేను గాంధీని ఎందుకు చంపాను’ అనేది నైతిక శాస్త్రంలో పాఠంగా కూడా మారవచ్చుని ఒవైసీ అన్నారు.

విద్యార్థులపై భారం తగ్గించేందుకు గతేడాది జూన్‌లో ఎన్‌సీఈఆర్‌టీ 6 నుంచి 12వ తరగతి పాఠ్యాంశాలను హేతుబద్ధీకరించింది. చేసిన మార్పులలో 2002 గుజరాత్ అల్లర్లు, ప్రచ్ఛన్న యుద్ధం మరియు మొఘల్ కోర్టులు, పారిశ్రామిక విప్లవానికి సంబంధించిన అన్ని సూచనలను తొలగించింది.