Rahul Gandhi Defamation case:మోదీ ఇంటి పేరున్న వారంతా దొంగలే అని వ్యాఖ్యలు చేసి పరువు నష్టం కేసులో రెండేళ్ళ జైలు శిక్షకి గురైన కాంగ్రెస్ నేత రాహుల్ గాంధీకి సుప్రీంకోర్టులో ఊరట దొరికింది. సూరత్ సెషన్స్ కోర్టు విధించిన రెండేళ్ళ జైలు శిక్షపై సుప్రీంకోర్టు స్టే విధించింది.
బహిరంగ ప్రసంగాలు చేసేటప్పుడు..(Rahul Gandhi Defamation case)
తాను దాఖలు చేసిన 63 పేజీల అఫిడివెట్‌లో రాహుల్.. ఈ కేసు అసాధారణమైన కేటగిరి కిందకు రాదని, తనకు విధించిన రెండేళ్ల శిక్షపై స్టే విధించాలని అత్యున్నత న్యాయస్థానాన్ని కోరారు. తాను శిక్షార్హమైన ఎలాంటి నేరానికి పాల్పడలేదని, క్షమాపణే చెప్పాల్సి వస్తే అదే అతిపెద్ద శిక్ష అవుతుందని తెలిపారు. ఒక వేళ క్షమాపణే అయితే ఈ పాటికే చెప్పేవాడనని అన్నారు.క్షమాపణ చెప్పడానికి నిరాకరించినందునే పిటిషన్ పూర్ణేష్ మోదీ తనను అహంకారిగా పేర్కొన్నట్టు రాహుల్ తన అఫిడవిట్‌తో తెలిపారు. తాను ఏ నేరం చేయలేదని, అయినా ప్రజా ప్రాతినిధ్యం చట్టం కింద క్రిమినల్ నేరం మోపి బలవంతంగా క్షమాపణ చెప్పించాలనుకోవడం న్యాయవ్యవస్థను దుర్వినియోగం చేయడమే అవుతుందన్నారు. తనకు విధించిన శిక్షపై స్టే ఇవ్వాలని అఫిడవిట్‌లో కోరారు. తద్వారా ప్రస్తుతం జరుగుతున్న పార్లమెంటు వర్షాకాల సమావేశాల్లో పాల్గొనేందుకు అనుమతించాలని విజ్ఞప్తి చేశారు. న్యాయమూర్తులు బిఆర్ గవాయి, పిఎస్ నరసింహ, సంజయ్ కుమార్‌లతో కూడిన త్రిసభ్య ధర్మాసనం బహిరంగ ప్రసంగాలు చేసేటప్పుడు ప్రజా జీవితంలో ఉన్న వ్యక్తి జాగ్రత్తగా ఉండాలని పేర్కొంది. గరిష్ట శిక్ష విధించడానికి ట్రయల్ జడ్జి ఎటువంటి కారణం చెప్పలేదు, తుది తీర్పు పెండింగ్‌లో ఉన్నందున దోషిగా నిర్ధారించే ఉత్తర్వును నిలిపివేయాలని బెంచ్ పేర్కొంది.
రాహుల్ గాంధీ తరపున హాజరైన సీనియర్ న్యాయవాది అభిషేక్ సింఘ్వీ వాదిస్తూ ఫిర్యాదుదారు పూర్ణేష్ మోదీ అసలు ఇంటిపేరు ‘మోదీ’ కాదు మరియు అతను ఈ ఇంటిపేరును తరువాత స్వీకరించాడు. గాంధీ తన ప్రసంగంలో పేర్కొన్న ఏ ఒక్క వ్యక్తి కూడా దావా వేయలేదు. ఇది 13 కోట్ల చిన్న సంఘం. ప్రజలు మరియు ఏకరూపత లేదా సజాతీయత లేదు. ఈ కమ్యూనిటీలో బాధపడేవారు కేవలం బీజేపీ ఆఫీసు హోల్డర్లు మరియు దావా వేస్తున్న వ్యక్తులు మాత్రమే అని అన్నారు. నా క్లయింట్‌ను 8 సంవత్సరాలు మౌనంగా ఉంచుతారు. అతను నేరస్థుడు కాదు. అతనిపై బిజెపి కార్యకర్తలు చాలా కేసులు పెట్టారు. కానీ వాటిలో ఏ ఒక్కదానిలోనూ శిక్ష కనుగొనబడలేదు. దిగువ కోర్టు జడ్జి దానిని తీవ్రమైన నేరంగా పేర్కొని 2 శిక్షలు విధించాడు. అయితే ఇది అత్యాచారం, హత్య లేదా కిడ్నాప్ కేసు కాదు” అని సిఘ్వీ వాదించారు.ఫిర్యాదుదారు పూర్ణేష్ మోదీ తరఫున వాదిస్తున్న సీనియర్ న్యాయవాది మహేశ్ జెఠ్మలానీ వాదిస్తూ, రూల్ గాంధీ ప్రసంగం మొత్తం 50 నిమిషాలకు పైగా సాగిందని, ఈసీ రికార్డులో ప్రసంగానికి సంబంధించిన అనేక ఆధారాలు, క్లిప్పింగ్‌లు ఉన్నాయని వాదించారు. రాహుల్ గాంధీ దురుద్దేశంతోనే మొత్తం వర్గం పరువు తీశారని జెఠ్మలానీ అన్నారు. ప్రధాని ఇంటిపేరు మోదీ అయినందున మోదీ ఇంటిపేరు ఉన్న ప్రతి ఒక్కరినీ అవమానించడమే అతని లక్ష్యం అని జెఠ్మలానీ అన్నారు.