IndiGo Flight: అమృత్‌సర్ నుండి అహ్మదాబాద్‌కు వెళ్లే ఇండిగో ఎయిర్‌లైన్స్ విమానం ప్రతికూల వాతావరణం కారణంగాపాకిస్తాన్‌ గగనతలంలోకి ప్రవేశించింది. ఫ్లైట్ రాడార్ ప్రకారం భారత విమానం శనివారం రాత్రి 7:30 గంటలకు లాహోర్‌కు ఉత్తరాన ప్రవేశించి రాత్రి 8:01 గంటలకు భారతదేశానికి తిరిగి వచ్చినట్లు డాన్ వార్తాపత్రిక నివేదించింది.
ప్రతికూల వాతావరణంలో సహజమే..( IndiGo Flight)
ప్రతికూల వాతావరణ పరిస్థితుల్లో ఇది అంతర్జాతీయంగా అనుమతించబడింది కాబట్టి ఇది అసాధారణం కాదని సివిల్ ఏవియేషన్ అథారిటీ (సిఎఎ) సీనియర్ అధికారి ఒకరు తెలిపారు.మేలో, పాకిస్తాన్ ఇంటర్నేషనల్ ఎయిర్‌లైన్స్ (PIA) విమానం పాకిస్తాన్‌లో భారీ వర్షాల కారణంగా భారత గగనతలంలోకి ప్రవేశించి దాదాపు 10 నిమిషాల పాటు అక్కడే ఉండిపోయింది.PK248 అనే విమానం మే 4న మస్కట్ నుండి తిరిగి వచ్చి లాహోర్‌లోని అల్లామా ఇక్బాల్ అంతర్జాతీయ విమానాశ్రయంలో దిగేందుకు ప్రయత్నించింది.అయితే, భారీ వర్షం కారణంగా బోయింగ్ 777 విమానాన్ని ల్యాండ్ చేయడం పైలట్‌కు కష్టమైంది.
ఇదిలావుండగా, విమానాశ్రయాల్లో దృశ్యమానత సరిగా లేకపోవడంతో పాకిస్తాన్‌లో పలు విమానాలు ఆలస్యం అయ్యాయి. లాహోర్‌కు వెళ్లే అనేక విమానాలను ఇస్లామాబాద్‌కు మళ్లించారు.శనివారం సాయంత్రం పాకిస్థాన్‌లోని పలు ప్రాంతాల్లో ఈదురు గాలులు, ఉరుములతో కూడిన వర్షం కురిసింది. ది ఎక్స్‌ప్రెస్ ట్రిబ్యూన్ వార్తాపత్రిక యొక్క నివేదిక ప్రకారం, ఖైబర్-పఖ్తున్‌ఖ్వా ప్రావిన్స్‌లోని మూడు ఆనుకొని ఉన్న జిల్లాల్లో దాదాపు 29 మంది మరణించారు.