Tamil Nadu rains: తమిళనాడులో భారీ వర్షాలు

Chennai: అక్టోబర్ 29న ఈశాన్య రుతుపవనాలు రాష్ట్రాన్ని తాకిన తర్వాత, చెన్నై మరియు దాని పరిసర జిల్లాల్లో విస్తృతంగా, భారీ వర్షాలు కురిశాయి. దీనితో లోతట్టు ప్రాంతాలు జలమయమయ్యాయి. తమిళనాడులోని 9 జిల్లాల్లో ఈరోజు పాఠశాలలు, కళాశాలలు మూసివేయాలని ఆదేశాలు జారీ అయ్యాయి.

భారత వాతావరణ శాఖ తాజా వాతావరణ అంచనాల ప్రకారం ఈ వారం తమిళనాడు అంతటా భారీ వర్షాలు మరియు ఉరుములు, మెరుపులతో కూడిన వర్షాలు కొనసాగే అవకాశం ఉంది. చెన్నైలో సోమవారం నుంచి కురుస్తున్న వర్షాలకు ఇద్దరు మృతి చెందారు. చెన్నైలోని పులియంతోప్‌కు చెందిన శాంతి (45) మంగళవారం ఉదయం ఆమె పై కాంక్రీట్ స్లాబ్ కూలిపోవడంతో మరణించింది మరియు వ్యాసర్‌పాడి సమీపంలో 52 ఏళ్ల ఆటో డ్రైవర్ దేవెంధిరన్ విద్యుదాఘాతంతో మరణించాడు. ఉత్తర చెన్నైలోని కొన్ని ప్రాంతాల్లో లోతట్టు ప్రాంతాల్లోని ఇళ్లలోకి నీరు చేరింది. మూడు దశాబ్దాలలో మొదటిసారిగా, సిటీ ఏరియా అయిన నుంగంబాక్కంలో ఒకే రోజు 8 సెం.మీ మరియు సబర్బన్ రెడ్ హిల్స్‌లో 13 సెం.మీ, ఆ తర్వాత పెరంబూర్‌లో 12 సెం.మీ. వర్షపాతం నమోదయింది.

చెన్నై ప్రాంతీయ వాతావరణ కేంద్రం అధిపతి ఎస్ బాలచంద్రన్ ప్రకారం, చెన్నై, తిరువళ్లూరు, కాంచీపురం, చెంగల్పట్టు, రాణిపేట్, తిరుపత్తూరు, తిరువణ్ణామలైలో రాబోయే కొద్ది గంటల్లో భారీ నుండి అతి భారీ వర్షాలు కురిసే అవకాశం ఉంది. వరదల నివారణకు చేపట్టిన నివారణ చర్యలపై సమీక్షించేందుకు తమిళనాడు ముఖ్యమంత్రి ఎంకే స్టాలిన్ మంగళవారం అన్ని జిల్లాల కలెక్టర్లు, ఇతర అధికారులతో వీడియో కాన్ఫరెన్స్ ద్వారా సమావేశం నిర్వహించారు.