Gujarat elections: అహ్మదాబాద్‌ కాంగ్రెస్ పార్టీ కార్యాలయం పై కార్యకర్తల దాడి

Gujarat: అహ్మదాబాద్‌లోని గుజరాత్ కాంగ్రెస్ పార్టీ ప్రధాన కార్యాలయం పై కాంగ్రెస్ కార్యకర్తలు దాడి చేసి విధ్వసం సృష్టించారు. సీనియర్ నాయకుడు భరత్‌సింగ్ సోలంకీ పోస్టర్‌లను తగులబెట్టారు. జమాల్‌పూర్‌-ఖాడియా స్థానం నుంచి సిట్టింగ్‌ ఎమ్మెల్యే ఇమ్రాన్‌ ఖేదావాలాకు టికెట్‌ ఇవ్వాలన్న నిర్ణయానికి వ్యతిరేకంగా పార్టీ కార్యకర్తలు ఈ దాడికి దిగారు.

నిరసనకారులు సోలంకి నేమ్‌ప్లేట్‌ను ధ్వంసం చేశారు. స్ప్రే పెయింట్‌తో అతని పై పరువు నష్టం కలిగించే పదాలు రాసి భవనం గోడలను ధ్వంసం చేశారు. ఖేదావాలా నుంచి సోలంకీ డబ్బు తీసుకున్నారని, ముస్లింలు అధికంగా ఉండే ఈ సీటు కోసం యూత్ కాంగ్రెస్ నాయకుడు, మాజీ కౌన్సిలర్ షానవాజ్ షేక్ చేసిన వాదనను ఉద్దేశపూర్వకంగా విస్మరించారని వారు ఆరోపించారు.

స్థానిక కాంగ్రెస్ కార్యకర్తలు మరియు జమాల్‌పూర్ ప్రజలు సిట్టింగ్ ఎమ్మెల్యే ఖేదావాలా పై వ్యతిరేకత ఉన్నప్పటికీ, పార్టీని తమ కుటుంబ ఎస్టేట్ లాగా నడుపుతున్న కొందరు నాయకులు, ఏకపక్ష నిర్ణయాలు తీసుకొని ఆయనకు టిక్కెట్ ఇచ్చారని పార్టీ కార్యకర్తలు ఆరోపించారు. ఖేదావాలా ఆదేశాన్ని రద్దు చేయాలని వారు డిమాండ్ చేశారు. 182 మంది సభ్యులున్న గుజరాత్ అసెంబ్లీకి డిసెంబర్ 1, 5 తేదీల్లో రెండు దశల్లో ఎన్నికలు జరగనుండగా, డిసెంబర్ 8న ఓట్ల లెక్కింపు చేపట్టనున్నారు.