Tamil Nadu: తమిళనాడులోని బాణాసంచా ఫ్యాక్టరీలో పేలుడు.. 8 మంది మృతి.. పలువురికి గాయాలు.

Tamil Nadu: తమిళనాడులోని కృష్ణగిరిలోని బాణాసంచా ఫ్యాక్టరీలో పేలుడు సంభవించిన ఘటనలో ముగ్గురు మహిళలు సహా ఎనిమిది మంది మృతి చెందగా, పలువురు గాయపడ్డారు. శనివారం తెల్లవారుజామున జరిగిన ఈ పేలుడు కారణంగా సమీపంలోని ఓ హోటల్ భవనం కూలిపోగా, మరో నాలుగు భవనాలు పాక్షికంగా దెబ్బతినడంతో పలువురు చిక్కుకుపోయారు.పాతాయపేట లో ఉన్న ఈ బాణాసంచా తయారీ గోడౌన్‌లో తీవ్రంగా గాయపడిన 12 మందిని ఇప్పటివరకు ఆసుపత్రిలో చేర్చినట్లు పోలీసులు తెలిపారు.

ఘటన జరిగిన వెంటనే ఘటనాస్థలికి చేరుకున్న అగ్నిమాపక సిబ్బంది, రెస్క్యూ టీమ్‌లు మంటలను ఆర్పివేసి లోపల చిక్కుకున్న వారిని రక్షించేందుకు ప్రయత్నిస్తున్నారు.పేలుడు ధాటికి హోటల్ భవనం పూర్తిగా కూలిపోయిందని, సమీపంలోని మూడు-నాలుగు ఇళ్లు పాక్షికంగా దెబ్బతిన్నాయని జిల్లా కలెక్టర్ తెలిపారు.అయితే పేలుడుకు గల కారణాలను పోలీసులు ఇంకా కనుగొనలేదు. ఇలా ఉండగా ప్రమాదంపై ప్రధాని నరేంద్రమోదీ విచారం వ్యక్తం చేసారు.

ఎక్స్ గ్రేషియా ప్రకటించిన పీఎం, సీఎం..(Tamil Nadu)

తమిళనాడులోని కృష్ణగిరిలో క్రాకర్ ఫ్యాక్టరీలో జరిగిన ఘోర ప్రమాదం, విలువైన ప్రాణాలను కోల్పోయినందుకు తీవ్ర విచారం వ్యక్తం చేస్తున్నాను. ఈ అత్యంత క్లిష్ట సమయంలో నా ఆలోచనలు మరియు ప్రార్థనలు బాధిత కుటుంబాలతో ఉన్నాయి. క్షతగాత్రులు త్వరగా కోలుకోవాలని కోరుకుంటున్నాను అంటూ మోదీ ట్వీట్ చేసారు. పిఎంఎన్‌ఆర్‌ఎఫ్ నుండి మరణించిన ప్రతి కుటుంబానికి రూ. 2 లక్షలు గాయపడిన వారికి రూ. 50,000 అందజేయబడతాయని  ప్రధాని ప్రకటించారు. ఈ విషాద ఘటనపై సంతాపం వ్యక్తం చేసిన ముఖ్యమంత్రి ఎంకే స్టాలిన్, మృతుల బంధువులకు, క్షతగాత్రులకు సంతాపం ప్రకటించారు. బాణాసంచా ఫ్యాక్టరీలో అనూహ్య పేలుడు సంభవించి ఎనిమిది మంది మృతి చెందారనే వార్త పట్ల నేను తీవ్ర దిగ్భ్రాంతిని వ్యక్తం చేశాను. సహాయక చర్యలను వేగవంతం చేసేందుకు ఆహార శాఖ మంత్రి ఆర్ చక్రపాణిని నియమించినట్లు ముఖ్యమంత్రి తెలిపారు.క్షతగాత్రులకు తగిన వైద్యసేవలు అందేలా చూడాలని ప్రభుత్వ వైద్య కళాశాల ఆసుపత్రిలోని ఆరోగ్య అధికారులను ఆయన ఆదేశించారు.మృతుల కుటుంబసభ్యులకు, స్నేహితులకు నా ప్రగాఢ సానుభూతి, సానుభూతి తెలియజేస్తున్నాను మృతుల కుటుంబాలకు ఒక్కొక్కరికి రూ.3 లక్షలు, తీవ్రంగా గాయపడిన వారికి రూ.లక్ష, గాయపడిన వారికి రూ.50,000 చొప్పున అందించాలని అధికారులను ఆదేశించానని స్టాలిన్ అన్నారు.ఈ దుర్ఘటనలో విలువైన ప్రాణాలు కోల్పోవడం తనను తీవ్రంగా కలచివేసిందని తమిళనాడు గవర్నర్ ఆర్ ఎన్ రవి కూడా మృతుల కుటుంబాలకు సంతాపం ప్రకటించారు.