Telangana TET Results: తెలంగాణ టెట్ ఫలితాలను విడుదల చేసిన సీఎం రేవంత్ రెడ్డి

Telangana TET Results: తెలంగాణ రాష్ట్ర ఉపాధ్యాయ అర్హత పరీక్ష (టీజీ టెట్) – 2024 ఫలితాలను ముఖ్యమంత్రి ఏ రేవంత్ రెడ్డి బుధవారం జూబ్లీహిల్స్‌లోని తన నివాసంలో ప్రకటించారు. ఈ పరీక్షకు 2,86,381 మంది అభ్యర్థులు నమోదు చేసుకున్నారు. వీరిలో 85,996 మంది పేపర్-1కి హాజరుకాగా, 57,725 మంది అర్హత సాధించారు. పేపర్-2కు 1,50,491 మంది అభ్యర్థులు హాజరుకాగా, 51,443 మంది అర్హత సాధించారు. పేపర్-1లో 67.13 శాతం, పేపర్-2లో 34.18 శాతం ఉత్తీర్ణత నమోదైంది.

రాబోయే TET కు ఉచితంగా..(Telangana TET Results)

2023తో పోలిస్తే ఈ ఏడాది పేపర్-1లో 30.24%, పేపర్-2లో 18.88% ఉత్తీర్ణత శాతం పెరిగింది. తెలంగాణ పాఠశాల విద్యా శాఖ అధికారిక వెబ్‌సైట్‌లో ఫలితాలు అందుబాటులో ఉన్నాయి.
TG TET-2024 మార్చి 16న తెలంగాణ వ్యాప్తంగా నిర్వహించబడింది. ఎన్నికల కోడ్ కారణంగా టెట్ దరఖాస్తు రుసుమును తగ్గించడాన్ని ఎన్నికల సంఘం అంగీకరించలేదు. దీంతో స్పందించిన రాష్ట్ర ప్రభుత్వం దరఖాస్తుదారులకు ఉపశమనం కల్పించాలని నిర్ణయించింది. TET-2024లో అర్హత సాధించని అభ్యర్థులు రాబోయే TET కోసం ఉచితంగా దరఖాస్తు చేసుకోవచ్చు. అర్హత సాధించిన వారు DSCకి ఒకసారి ఉచితంగా దరఖాస్తు చేసుకోవచ్చు.