Abhayahastham: రోడ్ల మీద అభయహస్తం దరఖాస్తులు

 Abhayahastham ఐదు గ్యారంటీల కోసం అప్లై చేసిన అభయహస్తం దరఖాస్తు పత్రాలు రోడ్డుపై దర్శనమిచ్చాయి. బాలానగర్‌ ఫ్లైఓవర్‌పై బైక్‌పై నుంచి ఫామ్స్‌ చిందరవందరగా పడిపోయాయి. ఎవరో ర్యాపిడో బుక్‌ చేస్తే తాను తీసుకెళ్తున్నానని సదరు బైకర్ తెలిపాడు. సుమారుగా 500 వరకు ఉన్న ఈ దరఖాస్తులు హయత్ నగర్ పరిధిలోనివి అని గుర్తించారు. డేటా ఎంట్రీ కోసం తీసుకెళ్తున్నట్లు సమాచారం.

బాధ్యతా రాహిత్యం..( Abhayahastham)

వివిధ పథకాల కోసం తెలంగాణ ప్రభుత్వం ప్రజాపాలన కార్యక్రమం కింద దరఖాస్తు ఫారాలను ఆహ్వానించింది. చివరి తేదీ అయిన జనవరి 6 వరకు 1.25 కోట్లకు పైగా దరఖాస్తులు వచ్చాయి.ఇప్పుడు, సోషల్ మీడియాలో సర్క్యులేట్ అవుతున్న వీడియోలు రాష్ట్రంలో ప్రజాపాలన ఫారమ్‌ల నిర్వహణను బాధ్యతారాహిత్యంగా నిర్వహిస్తున్నట్లు చూపుతున్నాయి.తెలంగాణలో ప్రజాపాలన ఫారాలపై బాధ్యతారాహిత్యంగా వ్యవహరిస్తున్నారని ఆరోపించారు.వీడియోలో ప్రజలు సమర్పించిన దరఖాస్తులతో కూడిన అట్టపెట్టెని ఒక యువకుడు తీసుకువెడుతుండగా ఫారాలు బాలానగర్ ఫ్లైఓవర్ పై పడడంతో వెలుగులోకి వచ్చింది. దీనితో ప్రజలు గుమిగూడి వివరాలు అడగడం ప్రారంభించారు. ఈ సంఘటన తర్వాత, రాష్ట్రంలో ప్రజాపాలన ఫారమ్‌లను తప్పుగా నిర్వహించడంపై నెటిజన్లు ఆందోళన వ్యక్తం చేయడం ప్రారంభించారు.

బీఆర్ఎస్ నేత క్రిశాంక్ ఈ వీడియోను పోస్ట్ చేసి, ఇది తీవ్రమైన డేటా ముప్పు అని ఆరోపించారు. ఓటీపీలు అడుగుతున్న వ్యక్తులకు అనామక ఫోన్ కాల్స్ ఎందుకు వస్తున్నాయి?’ అని కూడా ఆయన ప్రశ్నించారు.మరో నెటిజన్ ఒక కేఫ్‌లో ఉంచిన ప్రజా పలానా ఫారమ్‌ల ఫోటోను షేర్ చేస్తూ, ‘ప్రజా పాలన దరఖాస్తులా లేదా వ్యర్థ కాగితాలా ? దీనికి జవాబుదారీ ఎవరు? అంటూ ప్రశ్నించారు. ప్రజాపాలన కింద తెలంగాణ వ్యాప్తంగా 1.25 కోట్లకు పైగా దరఖాస్తు ఫారాలు సమర్పించారు. వారిలో 13.7 లక్షల మంది ఒక్క హైదరాబాద్‌కు చెందిన వారు.జనవరి 6న కార్యక్రమం ముగిసిన తర్వాత, రాష్ట్ర ప్రభుత్వం ఆన్‌లైన్ దరఖాస్తు అప్‌లోడ్ ప్రక్రియను ప్రారంభించింది. ఇలా ఉండగా ఈ ఘటనపై ప్రభుత్వం సీరియస్ అయింది. ఈ ఘటనపై పూర్తి వివరాలను అందజేయాలని జీహెచ్ఎంసీ కమిషనర్ రోనాల్డ్ రోస్ డిప్యూటీ కమిషనర్, జోనల్ కమిషనర్ ను ఆదేశించారు .