Hyderabad: హైదరాబాద్ బీజేపీ ఎంపీ అభ్యర్థి మాధవీలత పై కేసు నమోదు

Hyderabad: హైదరాబాద్ బీజేపీ లోక్‌సభ అభ్యర్థి కె మాధవి లత పై కేసు నమోదైంది . పోలింగ్ బూత్ వద్ద, బురఖా ధరించిన మహిళల గుర్తింపు పత్రాలను తనిఖీ చేయడం, వారి ముసుగును తీయమని కోరడం పై ఎంఐఎం నేతలు ఈసీకి ఫిర్యాదు చేశారు. గత లోక్‌సభ ఎన్నికల్లో భారీ మెజార్టీతో గెలుపొందిన హైదరాబాద్‌లో అసదుద్దీన్‌ ఒవైసీపై మాధవిలత తలపడుతున్నారు.

బురఖాలను తొలగించాలని..(Hyderabad)

మాధవీలత అజంపూర్‌లోని పోలింగ్ బూత్‌లో ఆగి, అక్కడ ఓటు వేయడానికి వేచి ఉన్న మహిళల ఐడిలను తనిఖీ చేయడం ప్రారంభించారు.. ఒక వీడియోలో, ఆమె బురఖా ధరించిన స్త్రీని తన ముసుగును ఎత్తమని అడగడం కనిపించింది . ఐడీ కార్డులను సరిగ్గా తనిఖీ చేసిన తర్వాతే ఓటింగ్‌కు అనుమతించాలని మాధవీలత పోలింగ్‌ అధికారులను హెచ్చరించారు. అనంతరం ఆమె ఓటరు జాబితాలో తేడాలున్నాయని, పలువురు ఓటర్ల పేర్లు లేవని పేర్కొన్నారు. దీనికి సంబంధించిన వీడియో వైరల్‌ కావడంతో.. ఎంఐఎం నేతలు ఈసీకి ఫిర్యాదు చేశారు.