Elon musk : ట్విట్టర్ యజమాని ఎలోన్ మస్క్ గురువారం ట్వట్టర్ ఉద్యోగులతో మాట్లాడుతూ సంస్ద దివాలా తీయడాన్ని తోసిపుచ్చలేనని చెప్పారు. ట్విట్టర్ కొనుగోలు ఒప్పందం దాని ఆర్థిక పరిస్థితిని అనిశ్చిత స్థితిలో ఉంచిందని క్రెడిట్ నిపుణులు అంటున్నారు.ఇద్దరు ఎగ్జిక్యూటివ్‌లు – యోయెల్ రోత్ మరియు రాబిన్ వీలర్ – బుధవారం మస్క్‌తో మాట్లాడిన సందర్బంగా అతను ఈ విషయాన్ని వారికి స్పష్టం చేసారు.
గురువారం మధ్యాహ్నం ట్విట్టర్‌లో ఉద్యోగులందరితో తన మొదటి సమావేశంలో, మస్క్ కంపెనీ వచ్చే ఏడాది బిలియన్ డాలర్లను కోల్పోవచ్చని హెచ్చరించినట్లు సమాచారం.మస్క్ బాధ్యతలు స్వీకరించిన తర్వాత కొనుగోలుకు ముందుతో పోలిస్తే, శోధన ఫలితాల్లో హానికరమైన కంటెంట్ వీక్షణలను ట్విట్టర్ 95% తగ్గించిందని చెప్పారు.అక్టోబర్ 27న ట్విటర్‌ను $44 బిలియన్లకు తీసుకున్న తర్వాత మస్క్, కంపెనీ రోజుకు $4 మిలియన్లకు పైగా నష్టపోతోందని, దీనికి కారణం తాను బాధ్యతలు స్వీకరించిన తర్వాత ప్రకటనకర్తలు పారిపోవటం ప్రారంభించారని చెప్పారు.
మస్క్ ట్విట్టర్‌ను $13 బిలియన్ల అప్పులతో కొనుగోలు చేసారు. దాని మీద వచ్చే 12 నెలల్లో మొత్తం $1.2 బిలియన్ల వడ్డీ చెల్లింపులు జరుగుతాయి. చెల్లింపులు ట్విట్టర్ వెల్లడించిన నగదు ప్రవాహాన్ని మించిపోయాయి, ఇది జూన్ చివరి నాటికి $1.1 బిలియన్లకు చేరుకుంది.మస్క్ గత వారం తన శ్రామిక శక్తిని సగానికి తగ్గించే ప్రణాళికలను ప్రకటించారు.