Allu Arjun Pushpa 2 OTT Release Update: అల్లు అర్జున్ పుష్ప 2 మూవీ త్వరలో ఓటీటీకి వస్తున్న సంగతి తెలిసిందే. తాజాగా కమ్మింగ్‌ సూన్‌ అంటూ మూవీ ఓటీటీ రిలీజ్‌పై షాకింగ్‌ అప్‌డేట్‌ ఇచ్చింది నెట్‌ఫ్లిక్స్‌. ఐకాన్‌ స్టార్ అల్లు అర్జున్ హీరో డైరెక్టర్‌ సుకుమార్‌ దర్శకత్వంలో తెరకెక్కిన ఈ చిత్రం గతేడాది డిసెంబర్‌ 5న థియేటర్లో విడుదలైంది. సినిమా రిలీజై రెండు నెలలు కావోస్తోంది. ఇప్పటికీ ‘పుష్ప 2’ మేనియా కొనసాగుతూనే ఉంది. ప్రస్తుతం రీలోడెడ్‌ వెర్షన్‌తో ఈ సినిమా థియేటర్లో సందడి చేస్తోంది. అలాగే త్వరలోనే ఓటీటీలోకి కూడా రాబోతోంది. రిలీజ్‌కు ముందే పుష్ప 2 ఓటీటీ రైట్స్‌ దిగ్గజ డిజిటల్‌ సంస్థ నెట్‌ఫ్లిక్స సొంతం చేసుకుంది.
ఇందుకోసం మేకర్స్‌తో భారీ ఢీల్‌ కుదుర్చుకుందని టాక్‌. అయితే మూవీ ఇండస్ట్రీ హిట్‌ కొట్టింది. దీంతో ఓటీటీ రిలీజ్‌ ఆలస్యమైంది. కానీ ఒప్పందం ప్రకారం పుష్ప 2 రెండు నెలల్లో డిజిటల్‌ ప్రీమియర్‌కు తీసుకురానుంది. ఈ నేపథ్యంలో ఇటీవల నెట్‌ఫ్లిక్స్‌ జనవరి 30 నుంచి పుష్ప 2ను ఓటీటీలో రిలీజ్‌ చేస్తున్నట్టు తెలిపింది. అయితే ఆ తర్వాత కమ్మింగ్‌ సూన్‌ అంటూ మరో అప్‌డేట్‌తో షాకిచ్చింది. మరికొన్ని గంటల్లో డిజిటల్‌కి ఈ సినిమా వస్తుందనుకుంటే తాజాగా మరో అప్‌డేట్‌ ఇచ్చి ఓటీటీ ప్రియులకు బాంబ్‌ పేల్చింది.ఇంట్లోనే రీలోడేడ్‌ వెర్షన్ ఫ్రీగా చూద్దామని ఎంతో ఆశగా ఎదురుచూస్తున్న ప్రేక్షకులకు నెట్‌ఫ్లిక్స్‌ గట్టి షాక్‌ ఇచ్చింది.
రెంటల్ పద్దతిలో..
తాజాగా ఈ మూవీ ఓటీటీ అప్‌డేట్‌ ఇస్తూ ట్రైలర్‌ రిలీజ్‌ చేసింది. పుష్ప అంటే ఫైర్ కాదు… వైల్డ్‌ ఫైర్. నెట్‌ఫ్లిక్స్‌లో పుష్ప 2ని చూసేయండి. త్వరలోనే తెలుగు, తమిళ్,మలయాళ, కన్నడ భాషల్లో ఈ సినిమా రానుంది అని చెప్పింది. ఎప్పుడనేంది మాత్రం స్పష్టం చేయలేదు. ఈ సందర్భంగా రిలీజ్‌ చేసిన ట్రైలర్‌ చివరిలో పుష్ప 2ను రెంటల్ పద్దతిలో స్ట్రీమింగ్‌ ఇస్తున్నట్టు వెల్లడించింది. రూ. 199 కట్టి నెట్‌ఫ్లిక్స్‌లో ఈ సినిమా చూసేయండని పేర్కొంది. ఇది తెలిసి ఓటీటీ ప్రియులంతా కంగుతిన్నారు. ఇక సబ్‌స్క్రిప్షిన్‌ ఉన్నవారు కూడా పుష్ప 2 చూడాలంటే రూ. 199 కట్టాల్సిందేనట. దీంతో ఓటీటీ ఫ్రీగా సినిమా చూసేద్దామని ఆశించిన ఆడియన్స్‌కి నిరాశే ఎదురైంది.
Pushpa ante fire kadhu…. he’s a wild fire 🔥
Watch Pushpa 2 on Netflix, coming soon in Telugu, Tamil, Malayalam & Kannada!#Pushpa2OnNetflix pic.twitter.com/TUAFovmzmX— Netflix India (@NetflixIndia) January 29, 2025
కాగా పుష్ప 2 విడుదలైనప్పటి నుంచి రికార్డుల మీద రీకార్డులు బ్రేక్‌ చేస్తుంది. కేవలం ఆరు రోజుల్లోనే ఈ సినిమా వెయ్యి కోట్టు దాటేసింది. ఇక 30 రోజుల్లోనే రూ. 1831 కోట్ల గ్రాస్ చేసినట్టు చిత్ర నిర్మాతలు తెలిపారు. ఇప్పటి వరకు పుష్ప 2 రూ. 1850 కోట్ల గ్రాస్ వసూళ్లు చేసి కేజీయఫ్‌ 2, ఆర్‌ఆర్‌ఆర్‌, బాహుబలి రికార్డులను బ్రేక్‌ చేసింది. దేశంలోనే అత్యధిక వసూళ్లు చేసిన రెండు సినిమాగా నిలిచింది. మొదటి స్థానంలో ఉన్న దంగల్‌ (రూ. 2000 కోట్ల) రికార్డుపై కన్నేసింది. మైత్రీ మూవీ మేకర్స్‌ సంస్థలో నవీన్‌ యర్నేని, రవి యలమంచిలి నిర్మించిన ఈ సినిమాలో రష్మిక మందన్నా హీరోయిన్‌గా నటించింది. జగపతి బాబు, అనసూయ భరద్వాజ్‌, సునీల్‌, రావు రమేష్‌లు కీలక పాత్రలు పోషించారు. ఈ సినిమా దేవిశ్రీ ప్రసాద్‌ సంగీతం అందించారు.