Allu Arjun Chief Guest For Thandel Event: నాగ చైతన్య మోస్ట్ అవైయిటెడ్‌ చిత్రం ‘తండేల్‌’. కార్తికేయ 2 ఫేం చందు మొండేటి దర్శకత్వంలో తెరకెక్కుతున్న ఈ చిత్రం ఫిబ్రవరి 7న వరల్డ్‌ వైడ్‌గా విడుదల కానుంది. దీంతో ప్రమోషన్స్‌ స్పీడ్‌ పెంచింది మూవీ టీం. ఇప్పటికే ఈ సినిమా నుంచి మూడు పాటలు, టీజర్‌, ట్రైలర్‌ను విడుదల చేయగా వాటికి ఆడియన్స్‌ నుంచి విశేష స్పందన వచ్చింది. ముఖ్యంగా బుజ్జితల్లి పాట మూవీపై అంచనాలను పెంచేసింది.
ఇందులో హీరోహీరోయిన్ల కెమిస్ట్రీకి యూత్‌ ఫిదా అయ్యింది. ఇక సినిమా రిలీజ్‌కు ఇంకా కొన్ని రోజులే ఉండటంతో మూవీ టీం ప్రమోషన్స్‌ని మరింత స్పీడ్‌ చేసింది. ఇందులో భాగంగా మూవీ ప్రీ రిలీజ్ ఈవెంట్‌ను పెద్ద ఎత్తున ప్లాన్ చేసింది. ఫిబ్రవరి 1న తండేల్‌ ప్రీ రిలీజ్ ఈవెంట్‌ను హైదరాబాద్‌ ఏర్పాటు చేసినట్టు తాజాగా అధికారిక ప్రకటన ఇచ్చింది. అలాగే ఈ కార్యక్రమానికి ఐకాన్ స్టార్‌ అల్లు అర్జున్ ముఖ్య అతిథిగా వస్తున్నట్టు తండేల్‌ టీం వెల్లడించింది.
ఈ మేరకు మేకర్స్‌ ఆసక్తికర పోస్టర్‌ని రిలీజ్ చేశారు. తండేల్‌ రాజు కోసం పుష్పరాజ్‌ అంటూ క్రేజ్ క్యాప్షన్‌ ఇచ్చింది. అలాగే రేపు సాయంత్రం 5 గంటల నుంచి తండేల్‌ జాతర ఉండబోతుందంటూ మూవీ టీం ఈ ప్రకటన ఇచ్చింది. ఇప్పటికే మూవీ అప్‌డేట్స్‌, పాటలతో మూవీపై మంచి బజ్‌ నెలకొంది. ఇప్పుడు అల్లు అర్జున్ ప్రీ రిలీజ్ ఈవెంట్‌కి చీఫ్‌ గెస్ట్‌గా వస్తుండటంతో సినిమాపై మరింత హైప్‌ క్రియేట్‌ అయ్యింది. సాయి పల్లవి హీరోయిన్‌గా నటిస్తున్న ఈ సినిమాను అల్లు అరవింద్‌ సమర్పణలో గీతా ఆర్ట్స్‌ పతాకంపై బన్నీ వాసు నిర్మిస్తున్నారు.
2018లోని యథార్థ సంఘటన ఆధారంగా ఈ సినమాను తెరకెక్కించాడు చందు మొండేటి. శ్రీకాకుళంలోని చెందిన మత్స్యకారుడైన యువకుడి కథ ఆధారంగా తండేల్‌ని రూపొందింది. శ్రీకాకుళం కోస్టల్‌ ఏరియాకు చెందిన రాజు అనే జాలరి చేపల వేటకు వెళ్లి పొరపాటున పాకిస్థాన్‌ సముద్రజాలాల్లోకి ప్రవేశిస్తాడు. దీంతో పాక్‌ నేవి అధికారులు అతడిని అరెస్ట్ చేసి చిత్రహింసలు గురిస్తారు. ఈ క్రమంలో అతడిని వారి నుంచి విడిపించేందుకు రాజు ప్రియురాలు ఏం చేసిందనే సినిమా కథ. ఈ ఇంటెన్స్‌ లవ్‌స్టోరీకి దేశభక్తిని కూడా జత చేసి అద్భుతమైన ప్రేమకథ ప్రేక్షకులు ముందుకు తీసుకురాబోతున్నాడు దర్శకుడు.