Uttarakhand: ప్రధానమంత్రి నరేంద్ర మోదీ శనివారం ఉత్తరాఖండ్ పర్యటన సందర్భంగా మనా సమీపంలోని 11,300 అడుగుల ఎత్తులో బోర్డర్ రోడ్స్ ఆర్గనైజేషన్ (BRO) డిఇటి వద్ద ఒక చిన్న సెమీ-పర్మనెంట్ తాత్కాలిక పైకప్పు కింద ఒక రాత్రి గడిపారు. అంతేకాదు అక్కడ పనిచేసే కార్మికులకోసం వండిన ఖిచిడీనే తాను కూడ తిన్నారు.
కార్మికులు మరియు రోడ్డు నిర్మాణ కార్మికులతో సంభాషిస్తూ డిఇటిలోనే రాత్రి గడపాలని పిఎం మోదీ నిర్ణయించుకున్నారు. ప్రధానమంత్రి కోసం ప్రత్యేక మెటీరియల్‌ను తీసుకురాలేదు. అతను డిఇటి వంటగదిలోచేసిన ఖిచిడీనే తిన్నారు. బద్రీనాథ్‌లో ఏర్పాట్లు చేసినప్పటికీ, ప్రధాని మరియు అతని వ్యక్తిగత సిబ్బంది డిఇటిలో బస చేశారని ఒక అధికారి తెలిపారు.డిఇటి సిబ్బందికి వారితో కలిసి ఉండటం చాలా సంతోషంగా ఉందని మోదీ అన్నారు. మరుసటి రోజు బయలుదేరే ముందు భారత్ మాతా కీ జై ‘జైకారా’లో కూడా పాల్గొన్నారు. అత్యంత క్లిష్ట పరిస్థితుల్లో బోర్డర్ రోడ్స్ ఆర్గనైజేషన్ సిబ్బంది చేసిన కృషికి మోదీ మెచ్చుకున్నారు. డిఇటి సందర్శకుల పుస్తకంలో శ్రమేన్ సర్వం సధ్యం (కష్టపడి ప్రతిదీ సాధించవచ్చు) అని రాశారు.
ఉత్తరాఖండ్‌లోని కేదార్‌నాథ్, బద్రీనాథ్ ఆలయాల్లో దర్శనం అనంతరం ప్రధాని శనివారం రెండు వ్యూహాత్మక రహదారుల విస్తరణ పనులకు శంకుస్థాపన చేశారు. మొదటి రహదారి NH-07లో మన నుండి మన పాస్ వరకు ఉన్న వ్యూహాత్మక అక్షం. ఇది చైనా సరిహద్దు వరకు 50,987 కిలోమీటర్ల పొడవైన రహదారి. రహదారిని రూ. 574 కోట్ల అంచనా వ్యయంతో విస్తరించాల్సి ఉంది . దీనిని మార్చి 2026 నాటికి నిర్మించాలని భావిస్తున్నారు. రహదారి పని బోర్డర్ రోడ్స్ ఆర్గనైజేషన్ యొక్క మొదటి మరియు ఏకైక మహిళా రహదారి నిర్మాణ సంస్థ పర్యవేక్షణలో ఉంటుంది.