Road Accident : మధ్య ప్రదేశ్ లో ఘోర రోడ్డు ప్రమాదం.. 15 మంది మృతి, 25 మందికి గాయాలు

Road Accident : మధ్యప్రదేశ్ రాష్ట్రంలో తాజాగా ఘోర రోడ్డు ప్రమాదం చోటు చేసుకుంది. శ్రీఖండి నుండి ఇండోర్ వెళ్తున్న బస్సు బోరాడ్ నది వంతెన రెయిలింగ్ ను ఢీకొని నదిలో పడిపోయింది. ఈ ప్రమాదంలో 15 మంది మృతి చెందగా.. 25 మంది గాయపడ్డారు. ఆ సమయంలో బస్సులో 70 మంది ప్రయాణీకులున్నారని సమాచారం అందుతుంది. రాష్ట్రంలోని ఖార్గోన్ వద్ద ఈ ప్రమాదం జరిగినట్లు తెలుస్తుంది. ప్రమాద వార్త  గురించి తెలిసిన వెంటనే అధికారులు సంఘటన స్థలానికి చేరుకుని సహాయక చర్యలు చేపట్టారు.

ఇప్పటికే జిల్లా కలెక్టర్ శివరాజ్ సింగ్ వర్మ ఆ చోటుకి చేరుకొని సహాయక చర్యలను పర్యవేక్షిస్తున్నారు. బోరాడ్ నదిపై 50 అడుగుల ఎత్తులో ఈ వంతెన నిర్మించారు. ఈ ప్రమాదంలో పలువురు గాయపడ్డారు. ఈ విషాద ఘటనపై పూర్తి సమాచారం ఇంకా తెలియాల్సి ఉంది.