Punjab: పంజాబ్ ప్రభుత్వం ఇంధనంపై విలువ ఆధారిత పన్ను (వ్యాట్)ని ఆదివారం 10% పెంచింది, దీనితో రాష్ట్రంలో పెట్రోల్ మరియు డీజిల్ ధరలు వరుసగా లీటరుకు 92 పైసలు మరియు 88 పైసలు పెరిగాయి.
ఇది రెండోసారి..(Punjab)
రాష్ట్ర ప్రభుత్వం విడుదల చేసిన నోటిఫికేషన్ ప్రకారం, వ్యాట్ పెంపుతో పెట్రోల్ మరియు డీజిల్ ధరలు లీటరుకు ఒక రూపాయి పెరుగుతాయి. మొహాలీలో, ఇప్పుడు పెట్రోల్ ధర లీటరుకు రూ.98.95 కాగా, డీజిల్ ధర లీటరుకు రూ.89.25 అవుతుంది. చండీగఢ్‌లో, పెట్రోల్ ధర లీటరుకు రూ.96.20 కాగా, డీజిల్ ధర లీటరుకు రూ.84.26 అవుతుంది.రాష్ట్రంలో ఇంధన ధరలు పెంచడం ఈ ఏడాది ఇది రెండోసారి.
పెట్రోలియం మంత్రి హర్దీప్ సింగ్ పూరి శనివారంఅంతర్జాతీయంగా ముడిచమురు ధరలు స్థిరంగా ఉండి, వచ్చే త్రైమాసికంలో కంపెనీలు లాభదాయకంగా ఉంటే చమురు కంపెనీలు పెట్రోల్, డీజిల్ ధరలను తగ్గించవచ్చని తెలిపారు. నరేంద్ర మోదీ నేతృత్వంలోని ప్రభుత్వం ఏప్రిల్ 2022 నుండి చమురు ధరల పెరుగుదలను నిరోధించిందని, వినియోగదారులకు ఎటువంటి ఇబ్బందులు కలగకుండా ప్రభుత్వం చూస్తుందని అన్నారు.