Heavy Rains: ఢిల్లీలోని కొన్ని ప్రాంతాలు, ఉత్తరప్రదేశ్‌లోని నోయిడా, గ్రేటర్ నోయిడా మరియు ఘజియాబాద్‌తో సహా జాతీయ రాజధాని ప్రాంతం (NCR)లో బుధవారం ఉదయం మోస్తరు నుండి భారీ వర్షాలు కురిశాయి. దీనితో పలు ప్రాంతాల్లో నీరు నిలిచిపోయి వాహనాల రాకపోకలకు అంతరాయం ఏర్పడింది.
హిండన్ నది నీటిమట్టం పెరగడంతో..(Heavy Rains)
భారీ వర్షాల నేపధ్యంలో నోయిడా మరియు గ్రేటర్ నోయిడాలో 12వ తరగతి వరకు ఉన్న అన్ని పాఠశాలలను మూసివేయాలని గౌతమ్ బుద్ధ్ నగర్ జిల్లా యంత్రాంగం ఆదేశించింది.
ఎడతెరిపి లేకుండా కురుస్తున్న వర్షాల మధ్య, యమునా యొక్క ఉపనది హిండన్ నీటి మట్టం కూడా పెరిగింది, ఇది లోతట్టు ప్రాంతాలలో వరదలకు దారితీసింది. హిండన్ నది నుండి నీరు పొంగిపొర్లడంతో చుట్టుపక్కల ఉన్న వరద ప్రాంతాలు ముంపునకు గురయ్యాయి.వరద ముప్పు నేపథ్యంలో హిండన్ నది సమీపంలో నివసిస్తున్న ప్రజలు తమ ఇళ్లను ఖాళీ చేయాలని జిల్లా యంత్రాంగం విజ్ఞప్తి చేసింది.నోయిడాలోని ఎకోటెక్ 3 సమీపంలోని ప్రాంతం హిండన్ నది నుండి నీటిలో మునిగిపోయింది, దీని కారణంగా చాలా వాహనాలు నీటిలో మునిగాయి. ఓలా కంపెనీకి చెందిన డంప్ యార్డ్‌లో పాత మరియు పాడైపోయిన వాహనాలను ఉంచారు. వాహనాలను తొలగించాలని పోలీసు యంత్రాంగం వారికి 2 నోటీసులు ఇచ్చింది… చుట్టుపక్కల గ్రామాలను ఖాళీ చేయించారు. ఎలాంటి ప్రాణ నష్టం జరగలేదు’’ అని నోయిడా డీసీపీ (సెంట్రల్) అనిల్ యాదవ్ తెలిపారు.
ఘజియాబాద్‌లో, భారీ వర్షం కారణంగా ఢిల్లీ-మీరట్ ఎక్స్‌ప్రెస్‌వే లాల్ కువాన్ సమీపంలో జలమయమైంది.అదేవిధంగా, ఢిల్లీలోని యమునా కూడా ప్రమాద స్థాయి కంటే కొన్ని సెంటీమీటర్ల దిగువన మాత్రమే ప్రవహిస్తోంది, తాజా వర్షపాతం హెచ్చరికల మధ్య నది ఉప్పొంగే ప్రమాదం ఇంకా ఎక్కువగానే ఉంది. భారత వాతావరణ శాఖ (IMD) ఢిల్లీ-ఎన్‌సిఆర్‌లో ‘యెల్లో’ అలర్ట్‌ను జారీ చేసింది, ఇది భారీ నుండి అతి భారీ వర్షాలు మరియు భారీ ఉరుములతో కూడిన గాలివానలను సూచిస్తుంది.