Kerala Blasts: కేరళ పేలుళ్లు.. పోలీసుల ముందు లొంగిపోయిన నిందితుడు

 Kerala Blasts:కేరళలోని త్రిస్సూర్ జిల్లాలోని కలమస్సేరిలో జరిగిన వరుస పేలుళ్లకు బాధ్యత వహిస్తున్నట్లు ఓ వ్యక్తి ప్రకటించాడు. డొమినిక్ మార్టిన్ అనే వ్యక్తి మూడు పేలుళ్లు జరిగిన కన్వెన్షన్ సెంటర్‌లోబాంబును అమర్చినట్లు పోలీసులు తెలిపారు.

విచారణ కొనసాగుతోంది..( Kerala Blasts)

దీనిపై కేరళ అడిషనల్ డైరక్టర్ జనరల్ ఆఫ్ పోలీస్ (లా అండ్ ఆర్డర్) అజిత్ కుమార్ మాట్లాడుతూ ఒక వ్యక్తి త్రిసూర్ రూరల్‌లోని కొడకరా పోలీస్ స్టేషన్‌లో లొంగిపోయాడు, ఇది తానే చేశానని, అతని పేరు డొమినిక్ మార్టిన్ మరియు అతను అదే ప్రాంతానికి చెందినవాడని అతను పేర్కొన్నాడు.. మేము దానిని ధృవీకరిస్తున్నాము. మేము ఈ కేసుకు సంబంధించిన అన్ని కోణాలను పరిశీలిస్తున్నాము… హాల్ యొక్క మధ్య భాగంలో పేలుడు జరిగిందిఅయితే ఈ పేలుళ్ల వెనుక అతడి హస్తం ఉందా లేదా అనే విషయాన్ని పోలీసులు ఇంకా నిర్ధారించలేదు. ఆ వ్యక్తిని విచారిస్తున్నారని తెలిపారు.

ప్రాథమిక దర్యాప్తు ప్రకారం, పేలుడు పదార్థాలను టిఫిన్ బాక్స్‌లో నింపారు. ఉదయం 9:40 గంటలకు మొదటి పేలుడు జరిగినట్లు తెలిసింది. ఈ దాడిలో ఇంప్రూవైజ్డ్ ఎక్స్‌ప్లోజివ్ డివైస్ (ఐఈడీ) ఉపయోగించినట్లు కేరళ డీజీపీ షేక్ దర్వేష్ సాహెబ్ తెలిపారు.మరోవైపు కేరళ ముఖ్యమంత్రి పినరయి విజయన్‌ సచివాలయంలో సోమవారం ఉదయం 10 గంటలకు అఖిలపక్ష సమావేశానికి పిలుపునిచ్చారు. పేలుళ్లపై ఆయన అధ్యక్షతన ఉన్నత స్థాయి సమావేశం జరిగే అవకాశం ఉంది.ఇది చాలా దురదృష్టకర సంఘటన. ఘటనకు సంబంధించి వివరాలు సేకరిస్తున్నాం. ఎర్నాకుళంలో ఉన్నతాధికారులందరూ ఉన్నారు. చాలా సీరియస్‌గా తీసుకుంటున్నాం. డీజీపీతో మాట్లాడాను, విచారణ తర్వాత మరిన్ని వివరాలు తెలుస్తాయని ఆయన చెప్పారు. ప్రార్థనా సమావేశానికి హాజరైన ప్రత్యక్ష సాక్షులు తమకు అనేక పేలుళ్ల శబ్దాలు వినిపించాయని, ఆ తర్వాత మంటలు చెలరేగాయని చెప్పారు.